3 чэрвеня, Мінск /Кар. БЕЛТА/. Цэнтралізаванае тэсціраванне па матэматыцы, біялогіі, замежнай мове, геаграфіі і сусветнай гісторыі (навейшы час) сёння плануюць напісаць больш як 28,8 тыс. абітурыентаў. Аб гэтым карэспандэнту БЕЛТА паведаміў дырэктар Рэспубліканскага інстытута кантролю ведаў Юрый Міксюк.
"Пункты правядзення ЦТ, а іх па краіне 40 устаноў адукацыі ў буйных раённых, абласных цэнтрах і сталіцы, усё гатова для сустрэчы абітурыентаў. Аўдыторыі плануюць прыняць больш за 28,8 тыс. чалавек. ЦТ пройдзе па матэматыцы, біялогіі, замежнай мове, геаграфіі і сусветнай гісторыі (навейшы час). У тройцы лідараў прадметаў па папулярнасці англійская мова, матэматыка, біялогія", - праінфармаваў Юрый Міксюк.
Іспыты стартуюць па ўсёй краіне адначасова ў 11.00. Удзельнік павінен прыбыць у пункт правядзення ЦТ загадзя. Пры сабе неабходна мець пропуск, дакумент, які засведчвае асобу (пашпарт, ІD-картка (пластыкавая смарт-картка), пасведчанне на права жыхарства ў Беларусі, пасведчанне бежанца, даведка, што выдаецца на выпадак страты (крадзяжу) дакумента, што засведчвае асобу), ручку (гелевую або капілярную) з чарніламі чорнага колеру. Школьнікі без дакумента, што засведчвае асобу, да праходжання іспытаў не будуць дапушчаны. Не трапяць на экзамен і тыя, хто спазніўся - тыя, хто прыбудуць на ЦТ пасля адкрыцця пакета з экзаменацыйнымі работамі.
Удзельнік, які не з'явіўся на іспыты альбо вызвалены ад іх непасрэдна ў час экзамену па ўважлівых прычынах (захворванне або іншыя, не залежныя ад навучэнца абставіны, пацверджаныя дакументальна), зможа здаць ЦЭ або ЦТ у рэзервовыя дні або іншыя тэрміны. Рэзервовымі ў гэтым годзе вызначаны 19, 21, 23 чэрвеня. ЦТ па ўсіх прадметах пройдзе 19 чэрвеня, 21-га пройдуць ЦЭ і ЦТ па профільных прадметах і 23 чэрвеня адбудуцца ЦЭ і ЦТ па рускай або беларускай мове. Ёсць яшчэ іншыя тэрміны - гэта 19 і 21 жніўня. У гэты час іспыты будуць здаваць тыя, хто па ўважлівых прычынах не змог прысутнічаць у папярэднія тэрміны, у тым ліку ў рэзервовыя, а таксама парушальнікі правіл паводзін у аўдыторыі. Неабходна памятаць, што тыя, хто здае цэнтралізаваны экзамен у жніўні, удзельнічаць у прыёмнай кампаніі ў ВНУ не змогуць, пайсці вучыцца можна будзе толькі ва ўстановы прафесійна-тэхнічнай і сярэдняй спецыяльнай адукацыі.
Атрымаўшы ў аўдыторыі бланк экзаменацыйных заданняў, удзельніку ЦТ неабходна пераканацца, што нумар варыянта бланка адказаў адпавядае нумару варыянта экзаменацыйнай работы. Выпускніку трэба запісаць нумар бланка адказаў у пропуск. Пасля таго, як адведзены на іспыты час скончыцца, малады чалавек павінен здаць экзаменацыйныя матэрыялы і лісты для рабочых запісаў. Тыя, хто скончаць выкананне работы раней за адведзены час, могуць пакінуць аўдыторыю. Калі гэта адбудзецца за 15 мінут да заканчэння адведзенага на іспыты часу, давядзецца застацца ў аўдыторыі і дачакацца заканчэння тэста.
Важна памятаць, што згодна з правіламі правядзення ЦТ, удзельнікам катэгарычна забараняецца праносіць і выкарыстоўваць у аўдыторыях, дзе праводзіцца экзамен, любыя прадметы, акрамя дакумента, які засведчвае асобу, ручкі, пропуска і калькулятара (толькі на іспыты па хіміі і фізіцы). Таксама нельга фальсіфікаваць даныя ў вобласці рэгістрацыі бланка адказаў, мяняцца месцамі ў аўдыторыі, экзаменацыйнымі матэрыяламі, карыстацца дапамогай іншых удзельнікаў. Пакараюць за ўнясенне інфармацыі ў бланк адказаў пасля заканчэння часу экзамену, за наяўнасць пры сабе сродкаў сувязі, электронна-вылічальнай тэхнікі, фота-, аўдыё- і відэаапаратуры, а таксама шпаргалак на любых носьбітах, іншыя прылады прыёму, захоўвання і перадачы інфармацыі. Акрамя таго, забаронена выносіць з аўдыторый і пункта правядзення іспытаў экзаменацыйныя матэрыялы, лісты для рабочых запісаў, пісьмовыя заметкі, фатаграфаваць экзаменацыйныя матэрыялы, размаўляць паміж сабой у аўдыторыях, абменьвацца чым-небудзь з іншымі ўдзельнікамі ЦТ, самавольна выходзіць з аўдыторыі і перамяшчацца па пункце правядзення без суправаджэння педработніка. Парушальнікаў імгненна выдаляць з аўдыторыі, і здаць ЦТ яны змогуць толькі ў жніўні, пазбавіўшыся ў гэтым годзе магчымасці паступаць у ВНУ.
Выйсці з аўдыторыі ў час ЦТ можна толькі па ўважлівай прычыне (у тым ліку дрэннае самаадчуванне, фізіялагічныя патрэбнасці) і толькі ў суправаджэнні педагагічнага работніка. Пры выхадзе трэба будзе пакінуць экзаменацыйныя матэрыялы і лісты для рабочых запісаў на рабочым месцы побач з дакументам, які засведчвае яго асобу. Адказны педработнік праверыць у прысутнасці ўдзельніка ЦТ камплектнасць экзаменацыйных матэрыялаў, якія пакідаюцца. Час адсутнасці маладога чалавека будзе ўключаны ў агульны час праходжання іспытаў.
Інфармацыю аб выніках ЦТ можна будзе атрымаць на сайце Рэспубліканскага інстытута кантролю ведаў. Сертыфікат ЦТ абітурыент атрымлівае ў пункце, у якім ён праходзіў тэсціраванне, пад подпіс пры прад'яўленні дакумента, які засведчвае асобу, з якім ён праходзіў ЦТ, дакумента аб адукацыі і пропуску з адзнакай "Тэсціраванне прайшоў".-0-
"Пункты правядзення ЦТ, а іх па краіне 40 устаноў адукацыі ў буйных раённых, абласных цэнтрах і сталіцы, усё гатова для сустрэчы абітурыентаў. Аўдыторыі плануюць прыняць больш за 28,8 тыс. чалавек. ЦТ пройдзе па матэматыцы, біялогіі, замежнай мове, геаграфіі і сусветнай гісторыі (навейшы час). У тройцы лідараў прадметаў па папулярнасці англійская мова, матэматыка, біялогія", - праінфармаваў Юрый Міксюк.
Іспыты стартуюць па ўсёй краіне адначасова ў 11.00. Удзельнік павінен прыбыць у пункт правядзення ЦТ загадзя. Пры сабе неабходна мець пропуск, дакумент, які засведчвае асобу (пашпарт, ІD-картка (пластыкавая смарт-картка), пасведчанне на права жыхарства ў Беларусі, пасведчанне бежанца, даведка, што выдаецца на выпадак страты (крадзяжу) дакумента, што засведчвае асобу), ручку (гелевую або капілярную) з чарніламі чорнага колеру. Школьнікі без дакумента, што засведчвае асобу, да праходжання іспытаў не будуць дапушчаны. Не трапяць на экзамен і тыя, хто спазніўся - тыя, хто прыбудуць на ЦТ пасля адкрыцця пакета з экзаменацыйнымі работамі.
Удзельнік, які не з'явіўся на іспыты альбо вызвалены ад іх непасрэдна ў час экзамену па ўважлівых прычынах (захворванне або іншыя, не залежныя ад навучэнца абставіны, пацверджаныя дакументальна), зможа здаць ЦЭ або ЦТ у рэзервовыя дні або іншыя тэрміны. Рэзервовымі ў гэтым годзе вызначаны 19, 21, 23 чэрвеня. ЦТ па ўсіх прадметах пройдзе 19 чэрвеня, 21-га пройдуць ЦЭ і ЦТ па профільных прадметах і 23 чэрвеня адбудуцца ЦЭ і ЦТ па рускай або беларускай мове. Ёсць яшчэ іншыя тэрміны - гэта 19 і 21 жніўня. У гэты час іспыты будуць здаваць тыя, хто па ўважлівых прычынах не змог прысутнічаць у папярэднія тэрміны, у тым ліку ў рэзервовыя, а таксама парушальнікі правіл паводзін у аўдыторыі. Неабходна памятаць, што тыя, хто здае цэнтралізаваны экзамен у жніўні, удзельнічаць у прыёмнай кампаніі ў ВНУ не змогуць, пайсці вучыцца можна будзе толькі ва ўстановы прафесійна-тэхнічнай і сярэдняй спецыяльнай адукацыі.
Атрымаўшы ў аўдыторыі бланк экзаменацыйных заданняў, удзельніку ЦТ неабходна пераканацца, што нумар варыянта бланка адказаў адпавядае нумару варыянта экзаменацыйнай работы. Выпускніку трэба запісаць нумар бланка адказаў у пропуск. Пасля таго, як адведзены на іспыты час скончыцца, малады чалавек павінен здаць экзаменацыйныя матэрыялы і лісты для рабочых запісаў. Тыя, хто скончаць выкананне работы раней за адведзены час, могуць пакінуць аўдыторыю. Калі гэта адбудзецца за 15 мінут да заканчэння адведзенага на іспыты часу, давядзецца застацца ў аўдыторыі і дачакацца заканчэння тэста.
Важна памятаць, што згодна з правіламі правядзення ЦТ, удзельнікам катэгарычна забараняецца праносіць і выкарыстоўваць у аўдыторыях, дзе праводзіцца экзамен, любыя прадметы, акрамя дакумента, які засведчвае асобу, ручкі, пропуска і калькулятара (толькі на іспыты па хіміі і фізіцы). Таксама нельга фальсіфікаваць даныя ў вобласці рэгістрацыі бланка адказаў, мяняцца месцамі ў аўдыторыі, экзаменацыйнымі матэрыяламі, карыстацца дапамогай іншых удзельнікаў. Пакараюць за ўнясенне інфармацыі ў бланк адказаў пасля заканчэння часу экзамену, за наяўнасць пры сабе сродкаў сувязі, электронна-вылічальнай тэхнікі, фота-, аўдыё- і відэаапаратуры, а таксама шпаргалак на любых носьбітах, іншыя прылады прыёму, захоўвання і перадачы інфармацыі. Акрамя таго, забаронена выносіць з аўдыторый і пункта правядзення іспытаў экзаменацыйныя матэрыялы, лісты для рабочых запісаў, пісьмовыя заметкі, фатаграфаваць экзаменацыйныя матэрыялы, размаўляць паміж сабой у аўдыторыях, абменьвацца чым-небудзь з іншымі ўдзельнікамі ЦТ, самавольна выходзіць з аўдыторыі і перамяшчацца па пункце правядзення без суправаджэння педработніка. Парушальнікаў імгненна выдаляць з аўдыторыі, і здаць ЦТ яны змогуць толькі ў жніўні, пазбавіўшыся ў гэтым годзе магчымасці паступаць у ВНУ.
Выйсці з аўдыторыі ў час ЦТ можна толькі па ўважлівай прычыне (у тым ліку дрэннае самаадчуванне, фізіялагічныя патрэбнасці) і толькі ў суправаджэнні педагагічнага работніка. Пры выхадзе трэба будзе пакінуць экзаменацыйныя матэрыялы і лісты для рабочых запісаў на рабочым месцы побач з дакументам, які засведчвае яго асобу. Адказны педработнік праверыць у прысутнасці ўдзельніка ЦТ камплектнасць экзаменацыйных матэрыялаў, якія пакідаюцца. Час адсутнасці маладога чалавека будзе ўключаны ў агульны час праходжання іспытаў.
Інфармацыю аб выніках ЦТ можна будзе атрымаць на сайце Рэспубліканскага інстытута кантролю ведаў. Сертыфікат ЦТ абітурыент атрымлівае ў пункце, у якім ён праходзіў тэсціраванне, пад подпіс пры прад'яўленні дакумента, які засведчвае асобу, з якім ён праходзіў ЦТ, дакумента аб адукацыі і пропуску з адзнакай "Тэсціраванне прайшоў".-0-
