29 чэрвеня, Мінск /Кар. БЕЛТА/. Цэнтралізаванае тэсціраванне па грамадазнаўстве прайшло без парушэнняў з боку абітурыентаў, паведаміў карэспандэнту БЕЛТА дырэктар Рэспубліканскага інстытута кантролю ведаў Юрый Міксюк.
Дырэктар РІКВ нагадаў, што абітурыент можа быць выдалены з аўдыторыі за мабільны тэлефон і іншыя сродкі сувязі, устройствы, якія перадаюць, прымаюць і захоўваюць інфармацыю. Выключэнне зроблена толькі для калькулятара і толькі на ЦТ па фізіцы і хіміі. Акрамя таго, у час тэсціравання забаронена мяняцца месцамі, экзаменацыйнымі матэрыяламі, фальсіфікаваць даныя ў месцы рэгістрацыі бланка адказаў, прасіць аб дапамозе іншых людзей для выканання тэставых заданняў.
У гэтым годзе на ЦТ па грамадазнаўстве зарэгістраваліся больш за 12,8 тыс. абітурыентаў. "Не з'явіліся каля 7 працэнтаў з іх. У Мінску адзін абітурыент не прыйшоў па медыцынскіх паказаннях", - адзначыў Юрый Міксюк.
Наступнае ЦТ - па матэматыцы - пройдзе 1 і 2 ліпеня. Усяго на ЦТ у Беларусі зарэгістраваліся больш за 64 тыс. абітурыентаў.-0-
