28 верасня, Гомель /Кар. БЕЛТА/. У Гомельскай вобласці цёпла ў дамах стане з 1 кастрычніка. Такая інфармацыя апублікавана ў афіцыйным Telegram-канале "Гомельшчына афіцыйна", паведамляе БЕЛТА.
Рашэнне аб падключэнні сістэмы ацяплення ў жылфонд рэгіёна прынята на аснове аналізу сярэднясутачных тэмператур знадворнага паветра.
"Пры дзённых тэмпературах знадворнага паветра вышэй за 10 градусаў, а таксама ў выхадныя дні ў будынках без пастаяннага знаходжання людзей ацяпленне будзе ажыццяўляцца ў рэжыме працеплівання", - удакладняецца ў паведамленні.
Калі тэмпература паветра за акном будзе стабільна павышацца, службы прымуць меры да адключэння ацяплення.-0-
