18 верасня, Мінск /Кар. БЕЛТА/. Да 28 градусаў цяпла, кароткачасовыя дажджы і навальніцы прагназуюцца ў Беларусі з 19 па 24 верасня. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"На гэтым тыдні перавага паўднёва-заходніх паветраных патокаў будзе садзейнічаць захаванню ў Беларусі цёплага надвор'я з тэмпературным фонам у асноўным на 2-6 градусаў вышэйшым за кліматычную норму. Начныя мінімумы ў асноўным будуць знаходзіцца ў межах ад плюс 10 да плюс 17 градусаў, а месцамі будзе не вышэй за 7-9 градусаў цяпла. Пры гэтым днём паветра прагрэецца да 20-28 градусаў, і толькі ў дажджах і пры больш шчыльнай воблачнасці будзе не вышэй за 17-19 градусаў цяпла", - расказалі ў Белгідрамеце.
У аўторак, 19 верасня, ноччу па поўначы пройдуць невялікія дажджы, а днём пераважна па заходняй палавіне кароткачасовыя дажджы. Днём у асобных раёнах чакаюцца навальніцы. У начныя і ранішнія гадзіны месцамі згусціцца слабы туман. Вецер паўднёвы, паўднёва-ўсходні ўмераны, днём парывісты. Тэмпература паветра ноччу складзе плюс 11-17 градусаў, месцамі - плюс 9-10 градусаў. Днём прагназуецца 20-26 градусаў цяпла.
У сераду, 20 верасня, ноччу на большай частцы тэрыторыі краіны, днём месцамі пройдуць кароткачасовыя дажджы. У асобных раёнах прагрымяць навальніцы. Ноччу і раніцай па паўднёвым усходзе згусціцца слабы туман. Вецер паўднёвы з пераходам на заходні парывісты, ноччу ў асобных раёнах моцны парывісты. Ноччу тэмпература будзе ў межах ад плюс 8 градусаў па паўночным захадзе да плюс 16 градусаў па паўднёвым усходзе, а днём - ад плюс 18 градусаў па паўночным усходзе да плюс 25 градусаў па паўднёвым захадзе.
У чацвер, 21 верасня, надвор'е будзе пераважна без ападкаў. Ноччу і раніцай у асобных раёнах згусціцца слабы туман. Вецер паўднёвай чвэрці ўмераны, днём месцамі парывісты. Тэмпература паветра ноччу дасягне плюс 7-12 градусаў, а месцамі - 15 градусаў. Днём чакаецца 21-27 градусаў цяпла.
У пятніцу, 22 верасня, прагназуецца пераважна без ападкаў. Ноччу і раніцай слабы туман. Вецер паўднёвай чвэрці парывісты. Тэмпература паветра ноччу будзе вагацца ад плюс 8 градусаў па паўночным усходзе да плюс 16 градусаў па захадзе, а днём - ад 21 да 28 градусаў вышэй за нуль.
Паводле папярэдняга прагнозу сіноптыкаў, у бліжэйшыя выхадныя чарговы атмасферны фронт з Заходняй Еўропы паспрабуе прарваць абарону антыцыклону, які размяшчаецца над еўрапейскай тэрыторыяй Расіі. Таму ў суботу ў асноўным па заходняй палавіне, а ў нядзелю ў большасці раёнаў нашай краіны пройдуць кароткачасовыя дажджы, магчымы навальніцы.
У суботу, 23 верасня, ноччу па захадзе, а днём пераважна па заходняй палавіне краіны прагназуюцца кароткачасовыя дажджы, у дзённыя гадзіны магчымы навальніцы. Вецер паўднёвай чвэрці парывісты. Ноччу слупок тэрмометра пакажа плюс 10-17 градусаў, а днём - 21-28 градусаў цяпла.
У нядзелю, 24 верасня, на большай частцы тэрыторыі краіны пройдуць кароткачасовыя дажджы, магчымы навальніцы. Вецер паўднёвы з пераходам на паўночна-заходні парывісты. Тэмпература паветра ноччу складзе 10-17 градусаў цяпла. Днём тэмпература паветра вырасце да плюс 17-23 градусаў, а месцамі - плюс 27 градусаў.-0-
