9 верасня, Мінск /Кар. БЕЛТА/. Цёплае надвор'е чакаецца ў Беларусі ў выхадныя, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"У сярэдзіне гэтага тыдня халоднае з замаразкамі надвор'е пакінула Беларусь і на змену яму з Заходняй Еўропы пачало паступаць цёплае паветра. Учора ў разгар дня тэмпература паветра склала 20-23 градусы цяпла, сёння ўдзень пры бязвоблачным небе максімальная тэмпература паветра будзе на пару градусаў вышэйшай, - сказалі ў Белгідрамеце. - У гэтыя выхадныя, 11-12 верасня, уплываць на надвор'е па-ранейшаму будзе вобласць павышанага атмасфернага ціску, сфарміраваная ў цёплай паветранай масе. У асноўным будзе мала аблокаў, толькі ў нядзелю, калі на паўночны захад краіны падыдзе малаактыўны фронт, у гэтых раёнах павялічыцца і ўшчыльніцца воблачнасць".
У пятніцу, 10 верасня, будзе без ападкаў. У начны і ранішні час у асобных раёнах чакаецца слабы туман. Вецер прагназуецца заходні, паўднёва-заходні слабы. Тэмпература паветра ўначы складзе 7-13 градусаў вышэй за нуль, месцамі - плюс 4-6. Удзень будзе 21-26 градусаў цяпла.
У суботу, 11 верасня, будзе без ападкаў. Уначы і раніцай чакаецца слабы туман. Вецер прагназуецца паўднёва-заходні, заходні слабы з узмацненнем да ўмеранага. Тэмпература паветра ўначы складзе 6-13 градусаў вышэй за нуль, удзень - 22-27 градусаў цяпла.
У нядзелю, 12 верасня, будзе пераважна без ападкаў, толькі ўдзень у паўночна-заходніх раёнах месцамі пройдуць кароткачасовыя дажджы. Уначы і раніцай чакаецца слабы туман. Вецер прагназуецца паўднёва-заходні слабы з узмацненнем да ўмеранага. Тэмпература паветра ўначы складзе 6-13 градусаў вышэй за нуль, удзень - 22-27 градусаў цяпла.
"У пачатку наступнага тыдня на тэрыторыі Беларусі чакаецца зрушэнне халоднага франтальнага раздзелу з Балтыйскага мора, які шмат ападкаў не прынясе, а вось цяпло пачне павольна адсоўваць з тэрыторыі нашай краіны", - прагназуюць сіноптыкі.
У панядзелак, 13 верасня, месцамі пройдуць кароткачасовыя дажджы, удзень у асобных раёнах магчымы навальніцы. Уначы і раніцай у нізкіх месцах і паблізу вадаёмаў будуць згушчацца непрацяглыя туманы. Тэмпература паветра ўначы складзе 6-13 градусаў вышэй за нуль, месцамі да плюс 15. У дзённы час будзе 17-23 градусы цяпла, толькі па паўднёвым усходзе - на пару градусаў цяплей.
У аўторак, 14 верасня, месцамі, а ў дзённы час па паўднёвым усходзе краіны на большай частцы тэрыторыі пройдуць кароткачасовыя дажджы. Уначы і раніцай чакаецца слабы туман. Тэмпература паветра ўначы складзе 6-13 градусаў вышэй за нуль, удзень - 16-22 градусы цяпла.
У сярэдзіне наступнага тыдня надвор'е ў краіне будзе фарміраваць тылавая халодная частка цыклону з цэнтрам над поўднем Карэліі. На Беларусь накіруецца халаднаватая паветраная маса з паўночных шырот.
У сераду, 15 верасня, будзе воблачна з праясненнямі. Месцамі пройдуць кароткачасовыя дажджы. Уначы і раніцай чакаецца слабы туман. Тэмпература паветра ўначы складзе 6-12 градусаў вышэй за нуль, у паўночных раёнах - плюс 3-5. Удзень будзе 15-22 градусы цяпла, па поўначы - плюс 10-14.-0-
