Мабільная версія
ДЗЯРЖОРГАНЫ

Апошнія навіны
ІНФАГРАФІКА: Машынабудаванне Беларусі
18 Кастрычнік, 18:52 Стужка навiн
Лукашэнка: ганаруся беларускай моладдзю
18 Кастрычнік, 15:49 Прэзідэнт
Усе навіны

Цёплае надвор'е будзе ў Беларусі ў выхадныя

Грамадства 25.04.2019 | 13:19
Фота з архіва
Фота з архіва

25 красавіка, Мінск /Кар. БЕЛТА/. У Беларусі ў канцы рабочага тыдня і ў выхадныя захаваецца цёплае надвор'е, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

На бягучым тыдні асноўны ўплыў на надвор'е ў Беларусі аказваў антыцыклон, цэнтр якога размяшчаўся над еўрапейскай тэрыторыяй Расіі. Пераважала цёплае і сухое надвор'е. Тэмпературны фон быў на 3-5 градусаў вышэйшы за кліматычную норму. "У сувязі з цёплым і сухім надвор'ем у большасці раёнаў рэспублікі назіраецца высокі клас пажаранебяспекі. Будзьце ўважлівыя і асцярожныя з агнём", - папярэдзілі ў Белгідрамеце.

У пятніцу надвор'е ў Беларусі ў асноўным будзе вызначаць вобласць павышанага атмасфернага ціску, толькі ў заходніх раёнах будзе адчувацца ўплыў малаактыўнага франтальнага раздзелу. На большай частцы тэрыторыі істотных ападкаў не прагназуецца, толькі месцамі па Брэсцкай і Гродзенскай абласцях пройдуць кароткачасовыя дажджы, ёсць верагоднасць навальніц. Тэмпература паветра ўначы складзе 7-13, месцамі - 3-6 градусаў. Удзень будзе 21-27 цяпла.

27 красавіка краіна будзе знаходзіцца ў полі паніжанага атмасфернага ціску, сфарміраваным у цёплай няўстойлівай паветранай масе. Уначы месцамі, удзень на большай частцы тэрыторыі Беларусі пройдуць кароткачасовыя дажджы, у некаторых раёнах з навальніцамі. Тэмпература паветра ўначы будзе 7-14, удзень - 19-26 градусаў цяпла.

У нядзелю надвор'е будуць вызначаць маларухомыя франтальныя сістэмы. У большасці раёнаў краіны чакаюцца кароткачасовыя дажджы, месцамі навальніцы. Тэмпература паветра ўначы складзе 8-13, удзень - 14-20, месцамі - да 24 градусаў цяпла.

"У пачатку наступнага тыдня маятнік надвор'я будзе вагацца ў бок пахаладання. Беларусь апынецца на перыферыі скандынаўскага антыцыклону, сфарміраванага ў халаднаватым паветры паўночных шырот, у паўднёвых рэгіёнах краіны яшчэ захаваецца ўплыў франтальнага раздзелу", - праінфармавалі ў Белгідрамеце.

29 красавіка ўначы і ўдзень па поўдні рэспублікі пройдуць кароткачасовыя дажджы. Тэмпература паветра ўначы будзе вагацца ад 1 градуса цяпла па поўначы да 12 па поўдні, па паўночным усходзе пры праясненнях будзе ад 0 да 3 цяпла. Удзень тэмпература складзе 10-17 градусаў.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.