26 мая, Мінск /Кар. БЕЛТА/. Цэнтралізаваныя іспыты для вучняў 11-х класаў устаноў, якія забяспечваюць атрыманне агульнай сярэдняй адукацыі, а таксама выпускнікоў мінулых гадоў пачаліся адначасова ва ўсіх 144 пунктах правядзення па ўсёй краіне.
Намеснік старшыні Мінгарвыканкама Андрэй Стрыгельскі адзначыў, што сёння адказны дзень для ўсіх выпускнікоў краіны, у тым ліку і для мінскіх. "На базе 10 пунктаў здаецца цэнтралізаваны экзамен, амаль 12,8 тыс. выпускнікоў мінскіх школ і гімназій сёння праходзяць іспыты ў форме цэнтралізаванага экзамену. Гэтаму папярэднічаў сур'ёзны перыяд падрыхтоўкі, была рэпетыцыя цэнтралізаванага экзамену. Указам кіраўніка дзяржавы створана дзяржаўная камісія па кантролі за ходам арганізацыі ўступнай кампаніі. Я з'яўляюся яе членам і адначасова старшынёй гэтай камісіі. На базе Беларускага дзяржаўнага педагагічнага ўніверсітэта ЦЭ будуць праходзіць 1967 вучняў з 36 устаноў адукацыі Маскоўскага раёна Мінска. Удзельнікі на выбар пішуць фізіку, матэматыку, хімію, біялогію, замежную мову (англійскую, нямецкую, французскую), гісторыю Беларусі, грамадазнаўства, геаграфію і сусветную гісторыю. Правераны і гатовы аўдыторны фонд - 49 аўдыторый у галоўным корпусе, астатнія - у корпусе на вуліцы Магілёўскай. Члены дзяржкамісіі адпрацавалі ўсе пытанні, звязаныя з арганізацыяй і правядзеннем экзамену: праверана агульная гатоўнасць, вывучаны моманты, што датычацца захаванасці экзаменацыйных матэрыялаў, іх дастаўкі ў месцы правядзення цэнтралізаванага экзамену. Упэўнены, што ўсё ў нас пройдзе арганізавана і гладка. Выпускнікі пацвердзяць тыя веды, якія атрымалі ў школах і гімназіях нашага горада", - праінфармаваў ён.
Што датычыцца ўзроўню складанасці тэстаў, Андрэй Стрыгельскі падкрэсліў, што ён цалкам карэляваны з праграмай агульнаадукацыйнай школы і ніякіх сюрпрызаў у гэтай частцы не чакаецца.
З арганізацыяй правядзення цэнтралізаванага экзамену ў БДПУ азнаёмілася намеснік прэм'ер-міністра Наталля Пяткевіч. У ВНУ арганізавана работа медпункта, буфетаў, забяспечаны пітны рэжым, прадумана навігацыя, сумесна з упраўленнем па адукацыі адміністрацыі Маскоўскага раёна Мінска распрацаваны графік прыезду выпускнікоў.
Рэктар БДПУ Аляксандр Жук падкрэсліў, што праводзяць ЦЭ члены арганізацыйнай камісіі ўніверсітэта. "Гэта больш за 150 выкладчыкаў, супрацоўнікаў, а таксама настаўнікаў школ Маскоўскага раёна. Мы пастараліся стварыць для абітурыентаў, якія здаюць экзамен, камфортныя ўмовы. У нас прадумана навігацыя, усюды стаяць таблічкі-ўказальнікі тых аўдыторый, дзе яны будуць здаваць экзамены. Акрамя таго, па ўсіх пытаннях школьнікам дапамагаюць нашы валанцёры-студэнты", - канстатаваў ён.
Для суправаджаючых педагогаў у актавай зале праходзіць лекторый па тэме "Выкарыстанне тэхналогій штучнага інтэлекту ў адукацыйным працэсе".-0-
Намеснік старшыні Мінгарвыканкама Андрэй Стрыгельскі адзначыў, што сёння адказны дзень для ўсіх выпускнікоў краіны, у тым ліку і для мінскіх. "На базе 10 пунктаў здаецца цэнтралізаваны экзамен, амаль 12,8 тыс. выпускнікоў мінскіх школ і гімназій сёння праходзяць іспыты ў форме цэнтралізаванага экзамену. Гэтаму папярэднічаў сур'ёзны перыяд падрыхтоўкі, была рэпетыцыя цэнтралізаванага экзамену. Указам кіраўніка дзяржавы створана дзяржаўная камісія па кантролі за ходам арганізацыі ўступнай кампаніі. Я з'яўляюся яе членам і адначасова старшынёй гэтай камісіі. На базе Беларускага дзяржаўнага педагагічнага ўніверсітэта ЦЭ будуць праходзіць 1967 вучняў з 36 устаноў адукацыі Маскоўскага раёна Мінска. Удзельнікі на выбар пішуць фізіку, матэматыку, хімію, біялогію, замежную мову (англійскую, нямецкую, французскую), гісторыю Беларусі, грамадазнаўства, геаграфію і сусветную гісторыю. Правераны і гатовы аўдыторны фонд - 49 аўдыторый у галоўным корпусе, астатнія - у корпусе на вуліцы Магілёўскай. Члены дзяржкамісіі адпрацавалі ўсе пытанні, звязаныя з арганізацыяй і правядзеннем экзамену: праверана агульная гатоўнасць, вывучаны моманты, што датычацца захаванасці экзаменацыйных матэрыялаў, іх дастаўкі ў месцы правядзення цэнтралізаванага экзамену. Упэўнены, што ўсё ў нас пройдзе арганізавана і гладка. Выпускнікі пацвердзяць тыя веды, якія атрымалі ў школах і гімназіях нашага горада", - праінфармаваў ён.
Што датычыцца ўзроўню складанасці тэстаў, Андрэй Стрыгельскі падкрэсліў, што ён цалкам карэляваны з праграмай агульнаадукацыйнай школы і ніякіх сюрпрызаў у гэтай частцы не чакаецца.
З арганізацыяй правядзення цэнтралізаванага экзамену ў БДПУ азнаёмілася намеснік прэм'ер-міністра Наталля Пяткевіч. У ВНУ арганізавана работа медпункта, буфетаў, забяспечаны пітны рэжым, прадумана навігацыя, сумесна з упраўленнем па адукацыі адміністрацыі Маскоўскага раёна Мінска распрацаваны графік прыезду выпускнікоў.
Рэктар БДПУ Аляксандр Жук падкрэсліў, што праводзяць ЦЭ члены арганізацыйнай камісіі ўніверсітэта. "Гэта больш за 150 выкладчыкаў, супрацоўнікаў, а таксама настаўнікаў школ Маскоўскага раёна. Мы пастараліся стварыць для абітурыентаў, якія здаюць экзамен, камфортныя ўмовы. У нас прадумана навігацыя, усюды стаяць таблічкі-ўказальнікі тых аўдыторый, дзе яны будуць здаваць экзамены. Акрамя таго, па ўсіх пытаннях школьнікам дапамагаюць нашы валанцёры-студэнты", - канстатаваў ён.
Для суправаджаючых педагогаў у актавай зале праходзіць лекторый па тэме "Выкарыстанне тэхналогій штучнага інтэлекту ў адукацыйным працэсе".-0-
Падпісвайцеся на нас у
