ДЗЯРЖОРГАНЫДЗЯРЖОРГАНЫ
Флаг Аўторак, 5 ліпеня 2022
Мінск Ясна +19°C
Усе навіны
Усе навіны
Грамадства
03 кастрычніка 2016, 15:22

Цэнтр беларускай мовы і культуры адкрыўся ў Ісламабадзе

3 кастрычніка, Ісламабад /Міхаіл Маціеўскі - БЕЛТА/. Цэнтр беларускай мовы і культуры адкрыўся ў Нацыянальным універсітэце сучасных моў Пакістана, перадае карэспандэнт БЕЛТА.

Паводле слоў міністра адукацыі Беларусі Міхаіла Жураўкова, адным з напрамкаў дзейнасці цэнтра стануць падрыхтоўчыя курсы па вывучэнні беларускай і рускай моў. "Цікавасць да беларускай сістэмы адукацыі ў Пакістане даволі значная. У падрыхтоўцы гэтага цэнтра ўдзельнічала вялікая колькасць студэнтаў, якія гатовы сюды прыйсці, пазнаёміцца з нашай мовай, - звярнуў ён увагу. - Сюды будуць прыязджаць выкладчыкі з нашых універсітэтаў. Яны таксама будуць расказваць аб спецыяльнасцях, якія можна атрымаць у Беларусі, і ў цэлым аб нашай краіне".

Кіраўнік ведамства адзначыў, што Пакістан гатовы супрацоўнічаць з Беларуссю ў адукацыйнай сферы. "У час візіту Прэзідэнта Беларусі ў Пакістан мы падпішам мемарандум аб адкрыцці тут цэнтраў прафесійнага навучання. Спачатку сюды будуць прыязджаць нашы выкладчыкі. Потым мы падрыхтуем глебу, каб маладыя людзі, якія хочуць атрымаць цікавыя прафесіі, прыязджалі ў Беларусь на перападрыхтоўку", - растлумачыў Міхаіл Жураўкоў.

Як правіла, у Пакістане зацікаўлены ў атрыманні сярэдняй спецыяльнай адукацыі па прамысловых і медыцынскіх спецыяльнасцях, а таксама вышэйшай адукацыі ў медыцыне і IT-сферы. Цікавіцца пакістанская моладзь таксама фундаментальнымі даследаваннямі па матэматыцы, хіміі і фізіцы.-0-

Фота Генадзя Жынкова

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі