23 студзеня, Гродна /Кар. БЕЛТА/. Маштабнай выстаўкай-прэзентацыяй у Маладзёжным цэнтры Гродна 25 студзеня завершыцца абласны тур рэспубліканскага праекта "100 ідэй для Беларусі" ў Гродзенскай вобласці. Аб гэтым паведамілі карэспандэнту БЕЛТА ў Гродзенскім абласным камітэце БРСМ.
На выстаўцы будуць прадстаўлены лепшыя маладзёжныя праекты рэгіёна - пераможцы занальных тураў, якія прайшлі ў Свіслачы, Карэлічах, Ашмянах, Гродне і Лідзе. У іх прынялі ўдзел 100 маладых людзей.
"Свае арыгінальныя ідэі школьнікі, навучэнцы прафесійна-тэхнічных і сярэдніх спецыяльных устаноў адукацыі, працоўная моладзь прапанавалі ў аграрнай, прамысловай, сацыяльнай сферах, а таксама ў энергетыцы, экалогіі, бяспецы, хімічнай прамысловасці, інфармацыйна-камунікатыўных тэхналогіях, - расказаў першы сакратар абласнога камітэта БРСМ Андрэй Есін. - Ацэньваць праекты будзе экспертны савет, у склад якога ўваходзяць прадстаўнікі органаў дзяржаўнага кіравання, прадпрыемстваў, арганізацый і аб'яднанняў горада, бізнес-супольнасцей. Лепшыя праекты абласнога тура маладзёжнага праекта "100 ідэй для Беларусі" прадставяць нашу вобласць на рэспубліканскім фінале ў Мінску".
Галасаванне за лепшыя праекты ідзе таксама ў тэлеграм-канале абласнога камітэта БРСМ. Моладзь прапаноўвае такія крэатыўныя ідэі як, напрыклад, разумная калонка з галасавым асістэнтам, электронны дадатак для вывучэння свайго роднага раёна, аднаўленне падзей Вялікай Айчыннай вайны пры дапамозе вобразаў, створаных вылічальнымі сістэмамі, і іншыя. Тры пераможцы абласнога тура будуць вызначаны па выніках інтэрнэт-галасавання.
Рэспубліканскі маладзёжны праект "100 ідэй для Беларусі" прадастаўляе пляцоўку для маладзёжных ініцыятыў і дае магчымасць сустрэцца з аднадумцамі, заявіць пра свае распрацоўкі.
Упершыню ён стартаваў у верасні 2011 года з ініцыятывы БРСМ. Сёння "100 ідэй для Беларусі" рэалізуецца БРСМ сумесна з Міністэрствам адукацыі, Дзяржаўным камітэтам па навуцы і тэхналогіях Беларусі, НАН Беларусі.
Гродзенскі абласны тур арганізаваны сумесна з абласной арганізацыяй РГА "Белая Русь". Асноўная задача праекта - матывацыя і развіццё маладзёжнага вынаходніцтва, выяўленне і ўкараненне ў рэальны сектар эканомікі інавацыйных праектаў і навукова-тэхнічных распрацовак, якія маюць практычную цікавасць для сацыяльна-эканамічнага развіцця краіны.-0-
На выстаўцы будуць прадстаўлены лепшыя маладзёжныя праекты рэгіёна - пераможцы занальных тураў, якія прайшлі ў Свіслачы, Карэлічах, Ашмянах, Гродне і Лідзе. У іх прынялі ўдзел 100 маладых людзей.
"Свае арыгінальныя ідэі школьнікі, навучэнцы прафесійна-тэхнічных і сярэдніх спецыяльных устаноў адукацыі, працоўная моладзь прапанавалі ў аграрнай, прамысловай, сацыяльнай сферах, а таксама ў энергетыцы, экалогіі, бяспецы, хімічнай прамысловасці, інфармацыйна-камунікатыўных тэхналогіях, - расказаў першы сакратар абласнога камітэта БРСМ Андрэй Есін. - Ацэньваць праекты будзе экспертны савет, у склад якога ўваходзяць прадстаўнікі органаў дзяржаўнага кіравання, прадпрыемстваў, арганізацый і аб'яднанняў горада, бізнес-супольнасцей. Лепшыя праекты абласнога тура маладзёжнага праекта "100 ідэй для Беларусі" прадставяць нашу вобласць на рэспубліканскім фінале ў Мінску".
Галасаванне за лепшыя праекты ідзе таксама ў тэлеграм-канале абласнога камітэта БРСМ. Моладзь прапаноўвае такія крэатыўныя ідэі як, напрыклад, разумная калонка з галасавым асістэнтам, электронны дадатак для вывучэння свайго роднага раёна, аднаўленне падзей Вялікай Айчыннай вайны пры дапамозе вобразаў, створаных вылічальнымі сістэмамі, і іншыя. Тры пераможцы абласнога тура будуць вызначаны па выніках інтэрнэт-галасавання.
Рэспубліканскі маладзёжны праект "100 ідэй для Беларусі" прадастаўляе пляцоўку для маладзёжных ініцыятыў і дае магчымасць сустрэцца з аднадумцамі, заявіць пра свае распрацоўкі.
Упершыню ён стартаваў у верасні 2011 года з ініцыятывы БРСМ. Сёння "100 ідэй для Беларусі" рэалізуецца БРСМ сумесна з Міністэрствам адукацыі, Дзяржаўным камітэтам па навуцы і тэхналогіях Беларусі, НАН Беларусі.
Гродзенскі абласны тур арганізаваны сумесна з абласной арганізацыяй РГА "Белая Русь". Асноўная задача праекта - матывацыя і развіццё маладзёжнага вынаходніцтва, выяўленне і ўкараненне ў рэальны сектар эканомікі інавацыйных праектаў і навукова-тэхнічных распрацовак, якія маюць практычную цікавасць для сацыяльна-эканамічнага развіцця краіны.-0-
Падпісвайцеся на нас у
