20 красавіка, Мінск /Кар. БЕЛТА/. Тры паласы руху грузавікоў на ўезд у Беларусь часова закрыты з-за рэканструкцыі літоўскага пункта пропуску "Мядзінінкай", паведамілі БЕЛТА ў Дзяржаўным мытным камітэце.
"У сувязі з рэканструкцыяй літоўскага пункта пропуску "Мядзінінкай" цяпер у ім закрыты тры паласы руху грузавых транспартных сродкаў, што ідуць на ўезд у Беларусь. Рух грузавікоў арганізаваны па дзвюх палосах, па якіх раней рухаліся легкавыя аўтамабілі. Такія абставіны могуць знізіць прапускную здольнасць пунктаў пропуску", - гаворыцца ў паведамленні.
У ДМК просяць улічваць гэту інфармацыю пры выбары маршруту руху праз беларуска-літоўскую граніцу.-0-