7 чэрвеня, Полацк /Алеся Пушнякова - БЕЛТА/. Пытанні транспартных перавозак, ацяплення ў дамах, у тым ліку электраацяплення, і іншыя звароты на асабістым прыёме грамадзян разглядае старшыня Савета Рэспублікі Нацыянальнага сходу Наталля Качанава, перадае карэспандэнт БЕЛТА.
На асабісты прыём да старшыні Савета Рэспублікі звярнуліся жыхары Полацка і Наваполацка.
Жыхар полацкага мікрараёна Баравуха расказаў, што транспарт курсіруе адсюль не па раскладзе, недастаткова часта, перапынкі паміж рэйсамі могуць складаць каля гадзіны. Асабліва нязручна для жыхароў мікрараёна дабірацца да горада раніцай, калі даводзіцца ўставаць рана, каб з перасадкамі прыехаць на работу да пачатку працоўнага дня. Наталля Качанава падкрэсліла, што такая сітуацыя недапушчальна. Мясцовым уладам трэба прааналізаваць пасажырапаток, наладзіць транспартныя перавозкі з улікам зваротаў грамадзян. "Транспарт у раёнах павінен хадзіць без перабояў", - адзначыла спікер, падкрэсліўшы, што да гэтага пытання варта прыцягваць і абласную ўладу, паколькі галаўное транспартнае прадпрыемства размешчана ў Віцебску. Таксама Наталля Качанава паставіла зварот заяўніка на кантроль.
Некалькі палачанак расказалі, што ў іх дамах недастаткова высокая тэмпература ў ацяпляльны сезон. Жыхаркі горада звярталіся ў розныя інстанцыі, у райвыканкам, да іх выязджалі камісіі, якія не зафіксавалі парушэння тэмпературнага рэжыму. Наталля Качанава даручыла разабрацца ў кожнай з сітуацый і ўстараніць праблемы. "Такія пытанні вы павінны вырашаць на месцы", - сказала спікер кіраўніцтву ЖКГ і райвыканкама.
З калектыўным зваротам прыйшлі палачане, у якіх у доме толькі тры кватэры падключаны да электраацяплення, а для астатніх не хапае магутнасцей. Старшыня Савета Рэспублікі даручыла разабрацца ў сітуацыі, вырашыць пытанне ў самы кароткі тэрмін.
Жыхарка прыватнага сектара ў Полацку скардзілася на падтапленне ўчастка. Такая сітуацыя назіраецца з 2012 года. Прадстаўнікі гарадской ЖКГ расказалі, што ўчастак знаходзіцца ў нізкім месцы. Наталля Качанава звярнула ўвагу, што неабходна абследаваць каналы для адводу вады і сумежныя ўчасткі, ці ёсць там заторы і дзе трэба прачысціць канавы. Старшыня Савета Рэспублікі падкрэсліла, што калі ёсць праблема, то яе трэба вывучаць і вырашаць комплексна.
Палачанка, якая прыйшла на прыём да Наталлі Качанавай, расказала, што засталася без жылля пасля смерці сына. Яе ўнучка аформіла дом, куплены бабуляй, на сябе. Заяўніца была на прыёме ў старшыні райвыканкама Ігара Марковіча, які размаўляў са сваякамі палачанкі, якія, паводле іх слоў, на гэты дом не прэтэндавалі. Жанчына два гады таму падпісала дароўную, жыве ў доме сына, але не мае на яго ніякіх правоў. Яна прасіла дапамагчы з жыллём, выдзеліць пакой у інтэрнаце або арэнднае жыллё. Старшыня Савета Рэспублікі даручыла кіраўніку раёна яшчэ раз абмеркаваць са сваякамі грамадзянкі варыянты, напрыклад, афіцыйна выдзеліць пакой у доме, дзе яна жыве, каб не вырашаць пытанне праз суд.
На асабісты прыём да старшыні Савета Рэспублікі звярнуліся жыхары Полацка і Наваполацка.
Жыхар полацкага мікрараёна Баравуха расказаў, што транспарт курсіруе адсюль не па раскладзе, недастаткова часта, перапынкі паміж рэйсамі могуць складаць каля гадзіны. Асабліва нязручна для жыхароў мікрараёна дабірацца да горада раніцай, калі даводзіцца ўставаць рана, каб з перасадкамі прыехаць на работу да пачатку працоўнага дня. Наталля Качанава падкрэсліла, што такая сітуацыя недапушчальна. Мясцовым уладам трэба прааналізаваць пасажырапаток, наладзіць транспартныя перавозкі з улікам зваротаў грамадзян. "Транспарт у раёнах павінен хадзіць без перабояў", - адзначыла спікер, падкрэсліўшы, што да гэтага пытання варта прыцягваць і абласную ўладу, паколькі галаўное транспартнае прадпрыемства размешчана ў Віцебску. Таксама Наталля Качанава паставіла зварот заяўніка на кантроль.
Некалькі палачанак расказалі, што ў іх дамах недастаткова высокая тэмпература ў ацяпляльны сезон. Жыхаркі горада звярталіся ў розныя інстанцыі, у райвыканкам, да іх выязджалі камісіі, якія не зафіксавалі парушэння тэмпературнага рэжыму. Наталля Качанава даручыла разабрацца ў кожнай з сітуацый і ўстараніць праблемы. "Такія пытанні вы павінны вырашаць на месцы", - сказала спікер кіраўніцтву ЖКГ і райвыканкама.
З калектыўным зваротам прыйшлі палачане, у якіх у доме толькі тры кватэры падключаны да электраацяплення, а для астатніх не хапае магутнасцей. Старшыня Савета Рэспублікі даручыла разабрацца ў сітуацыі, вырашыць пытанне ў самы кароткі тэрмін.
Жыхарка прыватнага сектара ў Полацку скардзілася на падтапленне ўчастка. Такая сітуацыя назіраецца з 2012 года. Прадстаўнікі гарадской ЖКГ расказалі, што ўчастак знаходзіцца ў нізкім месцы. Наталля Качанава звярнула ўвагу, што неабходна абследаваць каналы для адводу вады і сумежныя ўчасткі, ці ёсць там заторы і дзе трэба прачысціць канавы. Старшыня Савета Рэспублікі падкрэсліла, што калі ёсць праблема, то яе трэба вывучаць і вырашаць комплексна.
Палачанка, якая прыйшла на прыём да Наталлі Качанавай, расказала, што засталася без жылля пасля смерці сына. Яе ўнучка аформіла дом, куплены бабуляй, на сябе. Заяўніца была на прыёме ў старшыні райвыканкама Ігара Марковіча, які размаўляў са сваякамі палачанкі, якія, паводле іх слоў, на гэты дом не прэтэндавалі. Жанчына два гады таму падпісала дароўную, жыве ў доме сына, але не мае на яго ніякіх правоў. Яна прасіла дапамагчы з жыллём, выдзеліць пакой у інтэрнаце або арэнднае жыллё. Старшыня Савета Рэспублікі даручыла кіраўніку раёна яшчэ раз абмеркаваць са сваякамі грамадзянкі варыянты, напрыклад, афіцыйна выдзеліць пакой у доме, дзе яна жыве, каб не вырашаць пытанне праз суд.
Заявы грамадзян старшыня Савета Рэспублікі ўзяла на кантроль, зрабіўшы акцэнт, што па кожным выпадку будзе разбірацца дэталёва, каб звароты вырашаліся ў адпаведнасці з законам і так, каб грамадзяне былі задаволены вынікам.-0-
Фота Надзеі Касцецкай
