12 жніўня, Мінск /Кар. БЕЛТА/. Тарыфы на жыллёва-камунальныя паслугі ў бягучым годзе павышацца не будуць. Аб гэтым віцэ-прэм'ер Уладзімір Кухараў заявіў у эфіры тэлеканала АНТ, паведамляе БЕЛТА.
"У гэтым годзе тарыфы расці не будуць, застануцца ранейшымі", - адзначыў Уладзімір Кухараў.
Паводле яго слоў, у адпаведнасці з даручэннем кіраўніка дзяржавы штогадовы рост тарыфаў на жыллёва-камунальныя паслугі не павінен перавышаць $5 у эквіваленце. У бягучым годзе ў якасці эксперымента кошт паслуг павышаўся ў два этапы. З 1 студзеня падаражэлі паслугі газа-, электра- і водазабеспячэння, водаадвядзення, па капрамонце, санітарным утрыманні дапаможных памяшканняў, памеры кампенсавання расходаў на электраэнергію, а з 1 чэрвеня - ацяпленне і гарачае водазабеспячэнне.
"Аналіз паказаў, што гэта быў удачны эксперымент. Прэтэнзій з боку насельніцтва сур'ёзных не было", - сказаў віцэ-прэм'ер.-0-
