Фота з архіва
Навіны сюжэта
"Каранавірус: апошнія навіны"
4 красавіка, Мінск /Кар. БЕЛТА/. Практычна 60 працэнтаў беларусаў прайшлі поўны курс вакцынацыі супраць COVID-19, заявіў у эфіры тэлеканала АНТ намеснік міністра аховы здароўя - галоўны дзяржаўны санітарны ўрач Аляксандр Тарасенка, паведамляе БЕЛТА.
"Мы адзначаем, што насельніцтва ў нас актыўна прышчэплівалася і восенню мінулага года, і ў зімовы перыяд. І мы ўжо гаворым аб тым, што практычна 60 працэнтаў насельніцтва прышчэплена двума кампанентамі вакцыны, якія ёсць у грамадзянскім абароце", - сказаў Аляксандр Тарасенка.
Паводле яго слоў, гэта добрыя лічбы. "Але мы імкнёмся яшчэ да большага - да 70 працэнтаў. Не будзем спыняцца, будзем праводзіць бустарызацыю або ж рэвакцынацыю насельніцтва", - адзначыў галоўны санітарны ўрач.-0-
