Сыранкоў: Беларусь дасягнула на міжнароднай арэне павагі па-сапраўднаму незалежных краін

20 ліпеня, Мінск /Кар. БЕЛТА/. За апошнія 30 гадоў Беларусь дасягнула на міжнароднай арэне павагі па-сапраўднаму незалежных дзяржаў, заявіў першы сакратар ЦК КПБ Сяргей Сыранкоў на Форуме патрыятычных сіл Беларусі, які прайшоў сёння ў Палацы спорту ў Мінску, перадае карэспандэнт БЕЛТА.

"У апошнія 30 гадоў Беларусь дасягнула на міжнароднай арэне не проста прызнання, а шчырай павагі і аўтарытэту сярод па-сапраўднаму незалежных дзяржаў, - сказаў Сяргей Сыранкоў. - Мы з'яўляемся арыенцірам прагрэсу і барацьбы за справядлівае светаўладкаванне. Мы супраць імперыялізму, неакаланіялізму і фашызму".

Першы сакратар ЦК КПБ падкрэсліў, што Беларусь захавала лепшыя савецкія традыцыі. Камуністы і тыя, хто не адмовіўся ад ідэалаў сацыяльнай справядлівасці, народаўладдзя, дружбы народаў, дзякуюць Прэзідэнту Аляксандру Лукашэнку.

Выступаючы перад удзельнікамі VII Усебеларускага народнага сходу, кіраўнік дзяржавы адзначыў, што беларусы не проста захавалі лепшыя савецкія традыцыі, а дапоўнілі іх сучаснымі, якія адпавядаюць інтарэсам беларускага народа, нагадаў Сяргей Сыранкоў. Ён упэўнены, што ў гэтым і ёсць сіла народа, якая аб'ядноўвае. "Час выбраў нас для стварэння, развіцця і будучых перамог", - рэзюмаваў ён.-0-