Мабільная версія
ДЗЯРЖОРГАНЫ

Апошнія навіны
Усе навіны

Сусветная турысцкая арганізацыя поўнасцю падтрымлівае ўвядзенне Беларуссю бязвізавага рэжыму

Грамадства 30.01.2017 | 15:59

30 студзеня, Мінск /Кар. БЕЛТА/. Сусветная турысцкая арганізацыя (ЮНВТО) выказала сваю поўную падтрымку рашэнню Беларусі запусціць 5-дзённы бязвізавы рэжым, які будзе прымяняцца адносна турыстаў з 80 краін. Такая інфармацыя размешчана на афіцыйным сайце ЮНВТО, паведамляе БЕЛТА.

Гэта мера накіравана на бесперашкоднае перамяшчэнне і прыцягненне турыстаў, асабліва тых, хто наведвае краіну з дзелавымі паездкамі, адзначае ЮНВТО.

"Спрашчэнне візавага рэжыму адносіцца да ліку найбольш эфектыўных стратэгій для стымулявання развіцця турызму ў рэгіёне або ў краіне, таму мы ўпэўнены, што ў турыстычным сектары ў Беларусі адбудуцца пазітыўныя змяненні", - сказаў генеральны сакратар ЮНВТО Талеб Рыфаі.

Садзейнічанне бесперашкоднаму перамяшчэнню з'яўляецца адным з прыярытэтаў ЮНВТО з улікам таго, што спрошчаны візавы рэжым стымулюе эканамічны рост і стварэнне новых рабочых месц за кошт турызму.

Як паведамлялася, Беларусь з 12 лютага ўводзіць пяцідзённы бязвізавы рэжым для грамадзян 80 краін. Ён распаўсюджваецца на 39 краін Еўропы, уключаючы ўвесь Еўрасаюз, а таксама Бразілію, Інданезію, ЗША, Японію і іншыя дзяржавы. Абавязковай умовай бязвізавага наведвання з'яўляецца прыбыццё ў краіну праз Нацыянальны аэрапорт Мінск.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Рэкамендацыі на выпадак НС Ратавальнікі рэкамендуюць загадзя выпрацаваць план рэагавання на НС. Гэта дапамагае не разгубіцца і не запанікаваць у экстраннай сітуацыі.