30 ліпеня, Мінск /Кар. БЕЛТА/. Сустрэча актыву з Прэзідэнтам - праграма далейшых дзеянняў у сучасных умовах. Аб гэтым заявіў журналістам кіраўнік адміністрацыі Савецкага раёна Мінска Сяргей Хільман па выніках сустрэчы Прэзідэнта Беларусі Аляксандра Лукашэнкі з актывам мясцовай вертыкалі па актуальных пытаннях грамадска-палітычнай абстаноўкі, перадае карэспандэнт БЕЛТА.
"Вядома, непасрэдна кожны вертыкальшчык, кожны кіраўнік у сваім рэгіёне пачарпнуў тут пэўны алгарытм дзеянняў, які неабходна рэалізоўваць на месцах. Прэзідэнт паказаў некалькі вектараў, напрамкаў дзейнасці для вертыкалі ўлады цяпер і на перспектыву. Гэта работа ў санкцыйным рэжыме, калі супраць нашай краіны фактычна развязана гібрыдная вайна. Работа ў працоўных калектывах па павышэнні эфектыўнасці работы", - сказаў Сяргей Хільман.
Паводле яго слоў, зваротная сувязь з насельніцтвам вельмі важная. "Каб вывяраць ўсе дзеянні, якія сёння ўлада выбудоўвае. Гэта тое, што сёння павінен рабіць кожны кіраўнік. Ён павінен быць у калектыве. І, вядома ж, важны аспект - ваенна-патрыятычнае выхаванне. Гэту работу трэба значна ўзмацніць, у тым ліку праз ваенныя камісарыяты, - адзначыў кіраўнік адміністрацыі. - А для нас, кіраўнікоў рэгіёнаў, - гэта праграма далейшых дзеянняў у сучасных умовах".-0-
