Чым толькі не частуюць беларусаў на выбарчых участках у час выбараў. Знаёміцца з асартыментам буфетаў пасля галасавання і Аляксандр Лукашэнка. Часам гэта суправаджаецца невялікай дэгустацыяй, і вось у лютым 2024 года арганізатары трапілі ў дзясятку. Кіраўнік дзяржавы пакаштаваў сталічных сушак і быў вельмі здзіўлены: гэта дэпутаты змяняюць адзін аднаго, а смак гэтага ласунку застаўся такім жа, як і дзясяткі гадоў таму. Сушкі, якімі пачаставалі Прэзідэнта, робяць на хлебазаводзе "Аўтамат", і ў новым выпуску YouTube-праекта БЕЛТА "Па факце: спецыяльны рэпартаж" мы пабываем на гэтым прадпрыемстве і даведаемся аб яго галоўных сакрэтах.
Мінскі "Аўтамат" быў пабудаваны яшчэ ў даваенныя гады і стаў адным з першых поўнасцю аўтаматызаваных хлебазаводаў у Савецкім Саюзе. А ў межах беларускай рэспублікі гэта было самае механізаванае прадпрыемства ў хлебапякарнай галіне. У 1960-1970-я гады на заводзе - упершыню ў Беларусі - уводзіцца ў дзеянне комплексна-механізаваная лінія па вытворчасці сушак. Традыцыям якасці - вось ужо больш як паўстагоддзя.
"Ооо, роднае! - здзівіўся Аляксандр Лукашэнка, калі на выбарчым участку яму прапанавалі пакаштаваць мінскія сушкі. - Калі быў дэпутатам, еду дадому (магазін быў на выездзе) - заўсёды прадавалі сушкі. Ведаеце, такія, як кулямётная стужка. Я закупляў дзецям сушкі. Але яны ўжо, напэўна, не такія, так? Якраз такія!"
Як вырабляюць сушкі
І вось, мы на хлебазаводзе. Цестамясільнае аддзяленне. Тут можна назіраць ключавы этап у вытворчасці сушак - замешванне. Рэцэпт просты: мука, вада, дрожджы, раслінныя тлушчы, сухое абястлушчанае малако. Вось практычна і ўсё, што трэба для сушак. Для прыгатавання прымяняюць тэхналогію, якая прадугледжвае папярэдняе прыгатаванне рошчыны. Але што яна сабой уяўляе?
"Рошчыну мы рыхтуем з мукі, вады, дражджэй. Адпаведна калі яна прыгатавалася, стала аднароднай, яна ідзе на працэс браджэння. У працэсе браджэння ў нас фарміруюцца смакаараматычныя рэчывы, якія ў далейшым і ўплываюць на гатовы прадукт. Калі рошчына выбрадзіла каля пяці гадзін, гатуецца цеста", - падзялілася тонкасцямі вытворчага працэсу інжынер-тэхнолаг булачна-абараначнай вытворчасці хлебазавода "Аўтамат" Наталля Рудакова.
На этапе прыгатавання цеста для сушак важна захаваць пэўныя тэхналагічныя нюансы. Напрыклад, цеста не павінна адразу адпраўляцца ў работу: яму спачатку трэба даць паляжаць і адпачыць прыкладна пяць мінут (напэўна, у большасці з нас так пачынаецца кожны рабочы дзень), а потым - націрка.
"У працэсе націркі цеста становіцца больш пластычным, яно ўшчыльняецца і становіцца больш аднародным, што садзейнічае далейшай аблегчанай фармоўцы абараначных вырабаў", - расказала Наталля Рудакова.
Потым цеста паступае ў фармовачную машыну. У ёй стаяць спецыяльныя качалкі і нажы, якія надаюць вырабу патрэбную форму. Спецыялісты кантралююць вагу цеставых загатовак і адлегласць паміж імі. Пасля гэтага будучыя сушкі пападаюць на расстоечнае палатно.
"Тут сушка набывае патрэбную форму, павялічваецца ў аб'ёме. А потым - зона апаркі. Пасля расстойкі сушка паступае на апарку, дзе апрацоўваецца ціскам 20 мегапаскаль. Апарка - гэта стадыя, дзе сушка атрымлівае глянцавую, бліскучую паверхню, замацаваную форму за кошт пары нізкага ціску", - растлумачыла начальнік абараначнага ўчастка хлебазавода "Аўтамат" Кацярына Міснік.
Па канвееры сушкі паступаюць у печ, ды не ў простую: у ёй некалькі аддзяленняў з рознай тэмпературай. У першай зоне тэмпература 200 градусаў, у другой - ужо 240, а ў трэцяй крыху ніжэйшая - 230. Такія перапады "надвор'я" дапамагаюць надаць сушкам патрэбную форму, забяспечыць іх крохкасць і прывабнае адценне. У выніку атрымліваецца ідэальна прыгатаваная прадукцыя.
Якімі бываюць сушкі і чаму яны такія крохкія
На заводзе "Аўтамат" вырабляюць тры віды сушак: маленькія, тонкія, класічныя. Выпускаюць тут ад паўтары да шасці тон за суткі - у залежнасці ад асартыменту.
"Падарожжа" цеста ад фармовачнай машыны да ўпакоўкі гатовай прадукцыі займае 40-45 мінут. Пры гэтым у працэсе выпечкі вільгаць выходзіць. За кошт гэтага сушка набывае крохкасць, і гэта вельмі важны момант.
"Мы бяром сушку, разломліваем яе - калі яна ламаецца на чатыры часткі, значыць, сушка вельмі добрай, стабільнай якасці", - звярнула ўвагу Кацярына Міснік.
У вытворча-тэхналагічнай лабараторыі правяраюць якасць як паўфабрыкатаў (напрыклад, кіслотнасць і вільготнасць), так і гатовай прадукцыі.
"Гэта арганалептычныя паказчыкі, такія як колер, смак, хруст. Фізіка-хімічныя паказчыкі. Колькасць цукру, тлушчу, вільготнасць. І таксама ў абавязковым парадку ўся наша прадукцыя праходзіць кантроль у акрэдытаванай лабараторыі на паказчыкі бяспекі", - расказала начальнік вытворча-тэхналагічнай лабараторыі хлебазавода "Аўтамат" Таццяна Богуш.
Спецыфічная характарыстыка якасці сушкі - набухальнасць. Гэта, паводле слоў спецыялістаў, важна для правільнага засваення прадукту арганізмам.
"Гэта паказчык, за які час сушка поўнасцю можа прыняць мяккую кансістэнцыю. Звычайна паказчык набухальнасці ў межах дзвюх мінут", - дадала Таццяна Богуш.
Чаму сушкі такія папулярныя
Нягледзячы на разнастайнасць сучасных дэсертаў, сушкі застаюцца папулярным ласункам. Іх цэняць за класічны смак, натуральнасць, працяглы тэрмін захоўвання. Для многіх гэта альтэрнатыва кандытарскім вырабам з высокай колькасцю цукру і штучных дабавак.
"На сённяшні дзень гэта таксама папулярны прадукт. Мы ў месяц выпускаем больш за 50 тон гэтых вырабаў. Для кожнага пакупніка, кожнага спажыўца. У нас распрацавана каля 40 відаў сушак. Ёсць салёныя, салодкія, з гастранамічнымі смакамі. Цяпер распрацоўваецца новы від", - заінтрыгаваў дырэктар хлебазавода "Аўтамат" Дзяніс Турок.
Прастата і культурныя традыцыі, тэхналогіі і высокая рэпутацыя - вось чаму беларускія ласункі запатрабаваны на рынку. Пакупнік галасуе рублём, прычым не толькі беларускім.
"Наша прадукцыя экспартуецца ў многія краіны СНД. Гэта пацвярджае высокі ўзровень яе якасці. Адзін з асноўных спажыўцоў нашай сушкі - Расійская Федэрацыя. Таксама мы экспартуем ва Узбекістан, Грузію, Казахстан. Гэта асноўныя спажыўцы. Але і заваёўваем паступова астатні свет", - адзначыў кіраўнік прадпрыемства.
Мінскі "Аўтамат" быў пабудаваны яшчэ ў даваенныя гады і стаў адным з першых поўнасцю аўтаматызаваных хлебазаводаў у Савецкім Саюзе. А ў межах беларускай рэспублікі гэта было самае механізаванае прадпрыемства ў хлебапякарнай галіне. У 1960-1970-я гады на заводзе - упершыню ў Беларусі - уводзіцца ў дзеянне комплексна-механізаваная лінія па вытворчасці сушак. Традыцыям якасці - вось ужо больш як паўстагоддзя.
"Ооо, роднае! - здзівіўся Аляксандр Лукашэнка, калі на выбарчым участку яму прапанавалі пакаштаваць мінскія сушкі. - Калі быў дэпутатам, еду дадому (магазін быў на выездзе) - заўсёды прадавалі сушкі. Ведаеце, такія, як кулямётная стужка. Я закупляў дзецям сушкі. Але яны ўжо, напэўна, не такія, так? Якраз такія!"
Як вырабляюць сушкі
І вось, мы на хлебазаводзе. Цестамясільнае аддзяленне. Тут можна назіраць ключавы этап у вытворчасці сушак - замешванне. Рэцэпт просты: мука, вада, дрожджы, раслінныя тлушчы, сухое абястлушчанае малако. Вось практычна і ўсё, што трэба для сушак. Для прыгатавання прымяняюць тэхналогію, якая прадугледжвае папярэдняе прыгатаванне рошчыны. Але што яна сабой уяўляе?
"Рошчыну мы рыхтуем з мукі, вады, дражджэй. Адпаведна калі яна прыгатавалася, стала аднароднай, яна ідзе на працэс браджэння. У працэсе браджэння ў нас фарміруюцца смакаараматычныя рэчывы, якія ў далейшым і ўплываюць на гатовы прадукт. Калі рошчына выбрадзіла каля пяці гадзін, гатуецца цеста", - падзялілася тонкасцямі вытворчага працэсу інжынер-тэхнолаг булачна-абараначнай вытворчасці хлебазавода "Аўтамат" Наталля Рудакова.
На этапе прыгатавання цеста для сушак важна захаваць пэўныя тэхналагічныя нюансы. Напрыклад, цеста не павінна адразу адпраўляцца ў работу: яму спачатку трэба даць паляжаць і адпачыць прыкладна пяць мінут (напэўна, у большасці з нас так пачынаецца кожны рабочы дзень), а потым - націрка.
"У працэсе націркі цеста становіцца больш пластычным, яно ўшчыльняецца і становіцца больш аднародным, што садзейнічае далейшай аблегчанай фармоўцы абараначных вырабаў", - расказала Наталля Рудакова.
Потым цеста паступае ў фармовачную машыну. У ёй стаяць спецыяльныя качалкі і нажы, якія надаюць вырабу патрэбную форму. Спецыялісты кантралююць вагу цеставых загатовак і адлегласць паміж імі. Пасля гэтага будучыя сушкі пападаюць на расстоечнае палатно.
"Тут сушка набывае патрэбную форму, павялічваецца ў аб'ёме. А потым - зона апаркі. Пасля расстойкі сушка паступае на апарку, дзе апрацоўваецца ціскам 20 мегапаскаль. Апарка - гэта стадыя, дзе сушка атрымлівае глянцавую, бліскучую паверхню, замацаваную форму за кошт пары нізкага ціску", - растлумачыла начальнік абараначнага ўчастка хлебазавода "Аўтамат" Кацярына Міснік.
Па канвееры сушкі паступаюць у печ, ды не ў простую: у ёй некалькі аддзяленняў з рознай тэмпературай. У першай зоне тэмпература 200 градусаў, у другой - ужо 240, а ў трэцяй крыху ніжэйшая - 230. Такія перапады "надвор'я" дапамагаюць надаць сушкам патрэбную форму, забяспечыць іх крохкасць і прывабнае адценне. У выніку атрымліваецца ідэальна прыгатаваная прадукцыя.
Якімі бываюць сушкі і чаму яны такія крохкія
На заводзе "Аўтамат" вырабляюць тры віды сушак: маленькія, тонкія, класічныя. Выпускаюць тут ад паўтары да шасці тон за суткі - у залежнасці ад асартыменту.
"Падарожжа" цеста ад фармовачнай машыны да ўпакоўкі гатовай прадукцыі займае 40-45 мінут. Пры гэтым у працэсе выпечкі вільгаць выходзіць. За кошт гэтага сушка набывае крохкасць, і гэта вельмі важны момант.
"Мы бяром сушку, разломліваем яе - калі яна ламаецца на чатыры часткі, значыць, сушка вельмі добрай, стабільнай якасці", - звярнула ўвагу Кацярына Міснік.
У вытворча-тэхналагічнай лабараторыі правяраюць якасць як паўфабрыкатаў (напрыклад, кіслотнасць і вільготнасць), так і гатовай прадукцыі.
"Гэта арганалептычныя паказчыкі, такія як колер, смак, хруст. Фізіка-хімічныя паказчыкі. Колькасць цукру, тлушчу, вільготнасць. І таксама ў абавязковым парадку ўся наша прадукцыя праходзіць кантроль у акрэдытаванай лабараторыі на паказчыкі бяспекі", - расказала начальнік вытворча-тэхналагічнай лабараторыі хлебазавода "Аўтамат" Таццяна Богуш.
Спецыфічная характарыстыка якасці сушкі - набухальнасць. Гэта, паводле слоў спецыялістаў, важна для правільнага засваення прадукту арганізмам.
"Гэта паказчык, за які час сушка поўнасцю можа прыняць мяккую кансістэнцыю. Звычайна паказчык набухальнасці ў межах дзвюх мінут", - дадала Таццяна Богуш.
Чаму сушкі такія папулярныя
Нягледзячы на разнастайнасць сучасных дэсертаў, сушкі застаюцца папулярным ласункам. Іх цэняць за класічны смак, натуральнасць, працяглы тэрмін захоўвання. Для многіх гэта альтэрнатыва кандытарскім вырабам з высокай колькасцю цукру і штучных дабавак.
"На сённяшні дзень гэта таксама папулярны прадукт. Мы ў месяц выпускаем больш за 50 тон гэтых вырабаў. Для кожнага пакупніка, кожнага спажыўца. У нас распрацавана каля 40 відаў сушак. Ёсць салёныя, салодкія, з гастранамічнымі смакамі. Цяпер распрацоўваецца новы від", - заінтрыгаваў дырэктар хлебазавода "Аўтамат" Дзяніс Турок.
Прастата і культурныя традыцыі, тэхналогіі і высокая рэпутацыя - вось чаму беларускія ласункі запатрабаваны на рынку. Пакупнік галасуе рублём, прычым не толькі беларускім.
"Наша прадукцыя экспартуецца ў многія краіны СНД. Гэта пацвярджае высокі ўзровень яе якасці. Адзін з асноўных спажыўцоў нашай сушкі - Расійская Федэрацыя. Таксама мы экспартуем ва Узбекістан, Грузію, Казахстан. Гэта асноўныя спажыўцы. Але і заваёўваем паступова астатні свет", - адзначыў кіраўнік прадпрыемства.
Людзі часта гавораць: раней было лепш, смачней, карысней. Але рэцэпт правільных сушак у Беларусі не мяняецца. Яны застаюцца "тымі самымі", з дзяцінства. І сапраўды, нешта модна, а нешта - вечна.-0-
Скрыншоты відэа
Падпісвайцеся на нас у
