14 жніўня, Мінск /Кар. БЕЛТА/. Кіраўнікі дэлегацый - удзельнікаў пасяджэння Еўразійскага міжурадавага савета (ЕМУС) у вузкім складзе, якое прайшло ў Чалпон-Аце (Кыргызстан), абмеркавалі пул сур'ёзных і складаных пытанняў. Чаму ўдзялілі першарадную ўвагу, расказала намеснік прэм'ер-міністра Наталля Пяткевіч пасля мерапрыемства, паведамляе БЕЛТА.
Па-першае, кіраўнікі дэлегацый разгледзелі пытанні мытнага рэгулявання. "Усе праблемы, якія ў свеце ўзнікаюць - і з мытнымі пошлінамі, і з кантрафактам, - зразумела, уплываюць на нашы дзяржавы. Таму вельмі важна ўсім разам абараніць сваю мытную прастору. Гэта патрабуе адаптацыі заканадаўстваў і мытных практык, а таксама пэўнай лічбавізацыі. Гэта працэсы складаныя ў тэхналагічным плане, не менш складаныя яны і ў прававым рэгуляванні", - адзначыла віцэ-прэм'ер.
У гэтым годзе завяршаецца пяцігодка рэалізацыі стратэгічных напрамкаў развіцця еўразійскай інтэграцыі. "У нас, на жаль, застаюцца пытанні пакуль складана вырашальныя. Ёсць жаданне ўсё ж такі паспрабаваць прыйсці да поўнага выканання Стратэгіі еўразійскай эканамічнай інтэграцыі. Ва ўзмоцненым рэжыме працуюць усе структуры на ўсіх узроўнях для таго, каб праблемныя пытанні разгледзець і паспрабаваць знайсці кампрамісы", - сказала яна.
Акрамя таго, на ЕМУС у вузкім складзе абмеркавалі пытанні па абароне правоў грамадзян у рамках ЕАЭС. "Дастаткова складанае пытанне стаіць па абароне нацыянальных вытворцаў нашых краін. Ёсць пэўная розніца і ў прававым рэгуляванні, ёсць некаторыя адрозненні ва ўмовах знешнеэканамічнай дзейнасці. Кіраўнікі нашых урадаў спрабавалі знайсці кампраміс. Вельмі прыемна, што ёсць узаемны рух насустрач, і, хоць пакуль рашэнне не прынята, усе бакі поўныя гатоўнасці гэта пытанне нарэшце завяршыць", - падкрэсліла Наталля Пяткевіч.
Яна дадала, што работа па пытанні лічбавізацыі таксама рухаецца складана. "Ідзе складана, бо ўсе спрабуюць абараніцца. Гэта аб'ектыўна, асабліва ва ўмовах кібернебяспекі і рознаўзроўневай лічбавізацыі ў нашых краінах. На жаль, пакуль у нас прабуксоўвае ўвядзенне лічбавага подпісу. І гэта, напэўна, галоўная прычына, чаму ўсё астатняе таксама крыху буксуе, - расказала віцэ-прэм'ер. - Мы лічым, што прэваліруючае - гэта ўсё, што звязана з электронным дакументаабаротам для аблягчэння маніторынгу ўсяго адміністравання, умоў вядзення гаспадарання для нашых суб'ектаў. Для гэтага, вядома, трэба ўсё максімальна пераводзіць у электронны абарот. Складана гэта ідзе".
Але для Беларусі гэта пытанне самае прынцыповае. "І па лініі падатковых органаў, і па лініі мытных органаў мы вельмі далёка рушылі наперад. Спрабуем практыку прапанаваць нашым партнёрам. Дарэчы, сёння неаднаразова адзначалася, што ў плане мытнага адміністравання вельмі многія прапановы беларускага боку разглядаюцца і прымаюцца", - рэзюмавала Наталля Пяткевіч.-0-
Па-першае, кіраўнікі дэлегацый разгледзелі пытанні мытнага рэгулявання. "Усе праблемы, якія ў свеце ўзнікаюць - і з мытнымі пошлінамі, і з кантрафактам, - зразумела, уплываюць на нашы дзяржавы. Таму вельмі важна ўсім разам абараніць сваю мытную прастору. Гэта патрабуе адаптацыі заканадаўстваў і мытных практык, а таксама пэўнай лічбавізацыі. Гэта працэсы складаныя ў тэхналагічным плане, не менш складаныя яны і ў прававым рэгуляванні", - адзначыла віцэ-прэм'ер.
У гэтым годзе завяршаецца пяцігодка рэалізацыі стратэгічных напрамкаў развіцця еўразійскай інтэграцыі. "У нас, на жаль, застаюцца пытанні пакуль складана вырашальныя. Ёсць жаданне ўсё ж такі паспрабаваць прыйсці да поўнага выканання Стратэгіі еўразійскай эканамічнай інтэграцыі. Ва ўзмоцненым рэжыме працуюць усе структуры на ўсіх узроўнях для таго, каб праблемныя пытанні разгледзець і паспрабаваць знайсці кампрамісы", - сказала яна.
Акрамя таго, на ЕМУС у вузкім складзе абмеркавалі пытанні па абароне правоў грамадзян у рамках ЕАЭС. "Дастаткова складанае пытанне стаіць па абароне нацыянальных вытворцаў нашых краін. Ёсць пэўная розніца і ў прававым рэгуляванні, ёсць некаторыя адрозненні ва ўмовах знешнеэканамічнай дзейнасці. Кіраўнікі нашых урадаў спрабавалі знайсці кампраміс. Вельмі прыемна, што ёсць узаемны рух насустрач, і, хоць пакуль рашэнне не прынята, усе бакі поўныя гатоўнасці гэта пытанне нарэшце завяршыць", - падкрэсліла Наталля Пяткевіч.
Яна дадала, што работа па пытанні лічбавізацыі таксама рухаецца складана. "Ідзе складана, бо ўсе спрабуюць абараніцца. Гэта аб'ектыўна, асабліва ва ўмовах кібернебяспекі і рознаўзроўневай лічбавізацыі ў нашых краінах. На жаль, пакуль у нас прабуксоўвае ўвядзенне лічбавага подпісу. І гэта, напэўна, галоўная прычына, чаму ўсё астатняе таксама крыху буксуе, - расказала віцэ-прэм'ер. - Мы лічым, што прэваліруючае - гэта ўсё, што звязана з электронным дакументаабаротам для аблягчэння маніторынгу ўсяго адміністравання, умоў вядзення гаспадарання для нашых суб'ектаў. Для гэтага, вядома, трэба ўсё максімальна пераводзіць у электронны абарот. Складана гэта ідзе".
Але для Беларусі гэта пытанне самае прынцыповае. "І па лініі падатковых органаў, і па лініі мытных органаў мы вельмі далёка рушылі наперад. Спрабуем практыку прапанаваць нашым партнёрам. Дарэчы, сёння неаднаразова адзначалася, што ў плане мытнага адміністравання вельмі многія прапановы беларускага боку разглядаюцца і прымаюцца", - рэзюмавала Наталля Пяткевіч.-0-
Падпісвайцеся на нас у
