1 чэрвеня, Мінск /Кар. БЕЛТА/. Сумесная дабрачынная акцыя МЗС і замежных дыпмісій да Міжнароднага дня абароны дзяцей праходзіць у Беларусі ўжо трэці раз, паведамілі карэспандэнту БЕЛТА ў знешнепалітычным ведамстве.
Больш за 20 пасольстваў, 3 прадстаўніцтвы міжнародных арганізацый і 2 ганаровыя консульствы, а таксама асабіста супрацоўнікі МЗС сабралі больш за 50 каробак і пакетаў з прыемнымі і карыснымі сюрпрызамі для дзяцей з Маладзечанскай спецыяльнай агульнаадукацыйнай школы-інтэрната для дзяцей з парушэннямі зроку, дзіцячага дома нумар 3 Мінска і Чэрвеньскага дома-інтэрната для дзяцей-інвалідаў з асаблівасцямі псіхафізічнага развіцця.
У дабрачынным мерапрыемстве прынялі ўдзел дыпламаты з Азербайджана, Арменіі, Ватыкана, Вялікабрытаніі, Венесуэлы, В'етнама, Зімбабвэ, Індыі, Казахстана, Катара, Кітая, Пакістана, Палесціны, Польшчы, Расіі, Сербіі, Сірыі, Славакіі, Таджыкістана, Туркменістана, Турцыі, Швецыі, Швейцарыі, Рэспублікі Карэя, а таксама ганаровых консульстваў Грэцыі і Замбіі, прадстаўніцтваў СНД, ПРААН і МАМ.-0-
