ДЗЯРЖОРГАНЫДЗЯРЖОРГАНЫ
Чацвер, 6 жніўня 2020
Мінск Ясна +19°C
Усе навіны
Усе навіны
Грамадства
06 ліпеня 2020, 15:34

Студэнт БДУ: палітыка беларускай дзяржавы дае магчымасць людзям жыць дастойна

Фота з архіва
Фота з архіва

6 ліпеня, Мінск /Кар. БЕЛТА/. Палітыка мірнай незалежнай беларускай дзяржавы дае магчымасць людзям жыць дастойна. Такое меркаванне карэспандэнту БЕЛТА выказаў студэнт Беларускага дзяржаўнага ўніверсітэта, член Маладзёжнага савета (парламента) пры Нацыянальным сходзе Аляксей Грышчанкаў.

Малады чалавек адзначыў, што Беларусь - мірная суверэнная дзяржава, дзе праводзіцца палітыка, якая дае магчымасць людзям жыць дастойна. Аляксей Грышчанкаў дадаў, што краіна прадаўжае ісці наперад, нягледзячы на складаныя знешнія ўмовы. Паступовае развіццё ва ўсіх сферах з'яўляецца залогам далейшага павышэння ўзроўню жыцця беларусаў, лічыць ён.

Асобна Аляксей Грышчанкаў спыніўся на падтрымцы маладзёжных ініцыятыў. Гэтаму, паводле яго слоў, дзяржава ўдзяляе вялікую ўвагу. І яшчэ адно таму пацвярджэнне - стварэнне Маладзёжнага парламента. Знаходзячыся ў яго складзе, Аляксей Грышчанкаў разлічвае курыраваць эканамічныя тэмы, тэму міжнародных адносін.

Маладзёжны савет будзе садзейнічаць Нацыянальнаму сходу ў заканадаўчым рэгуляванні правоў і законных інтарэсаў моладзі. Сярод яго задач - удзел у фарміраванні і рэалізацыі дзяржаўнай маладзёжнай палітыкі, стварэнні ўмоў для эфектыўнай рэалізацыі патэнцыялу моладзі ў сацыяльна-эканамічных і грамадска-палітычных працэсах. Акрамя таго, маладыя парламентарыі будуць забяспечваць дыялог паміж старэйшымі калегамі з Палаты прадстаўнікоў і Савета Рэспублікі і моладдзю, вывучаць існуючыя ў яе асяроддзі праблемы і выпрацоўваць прапановы па іх вырашэнні.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі