татыстыку па захваральнасці на COVID-19 Міністэрства аховы здароўя будзе абнаўляць раз на месяц
10 мая, Мінск /Кар. БЕЛТА/. Статыстычныя даныя па захваральнасці на COVID-19 будуць публікаваць раз у месяц. Такое рашэнне прынята з-за стабілізацыі ў краіне сітуацыі з захваральнасцю на каранавірус. Аб гэтым БЕЛТА паведамілі ў Міністэрстве аховы здароўя.
У сувязі з тым, што ў краіне рэгіструецца невялікая колькасць пацыентаў з каранавіруснай інфекцыяй, Міністэрства аховы здароўя з 11 мая будзе абнаўляць статыстычныя даныя 1 раз у месяц - першага чысла кожнага месяца.
"Ва ўсіх рэгіёнах рэспублікі і Мінску насельніцтву аказваецца поўны спектр планавай медыцынскай дапамогі і неабходных даследаванняў - як у стацыянарах, так і амбулаторна", - дадалі ў ведамстве.-0-
