Фота з архіва
4 верасня, Мінск /Кар. БЕЛТА/. Федэрацыя прафсаюзаў Беларусі пачынае прымаць заяўкі на конкурс у галіне літаратуры, мастацтва, журналістыкі і аматарскай творчасці. Аб гэтым БЕЛТА паведамілі ў прэс-службе ФПБ.
Прэстыжныя прэміі нацыянальнага прафцэнтра па праву заслужылі свой аўтарытэт сярод творчай супольнасці. З 1989-га раз у два гады па традыцыі прысуджаюцца восем прэмій, з іх пяць - у галіне літаратуры і мастацтва. Літаратурныя і музычныя творы, работы ў галіне тэатральнага і кінамастацтва, творы жывапісу, скульптуры, графікі і прыкладнога мастацтва і, вядома, лепшы твор аб прафсаюзах - у кожным выпадку кампетэнтнае журы ўжо гатова прымаць заяўкі.
Па адной прэміі выберуць за высокія дасягненні аматарскіх калектываў мастацкай творчасці і ў галіне журналістыкі. За актыўную работу па развіцці народнага мастацтва і аматарскай творчасці працоўных калектываў лаўрэата яшчэ адной прэміі будуць шукаць сярод кіраўнікоў прадпрыемстваў і арганізацый, прафсаюзных і ведамасных устаноў культуры і старшынь прафсаюзных арганізацый.
"Для нас важна, што лаўрэатамі прэмій могуць стаць не толькі прафесіяналы, якія шмат гадоў займаюцца творчасцю, але і аматары. Людзі любога ўзросту і любой прафесіі. Федэрацыя прафсаюзаў рэалізуе нямала сацыяльна значных культурных праектаў. Напрыклад, рэспубліканскі конкурс вакальнай творчасці працоўных калектываў "Новыя імёны", які ўжо сёння трансфармаваўся ў маштабны тэлевізійны праект "Зорны шлях". І мы бачым, колькі ў краіне сапраўды таленавітых людзей. Безумоўна, мы іх заўсёды будзем падтрымліваць і дапамагаць рэалізоўваць творчы патэнцыял, - расказаў намеснік старшыні Федэрацыі прафсаюзаў Беларусі Вадзім Грачоў. - Адна з асноўных умоў, акрамя непасрэдна дэманстрацыі высокага ўзроўню майстэрства ў той ці іншай галіне, - аўтары ў сваіх работах павінны ствараць мастацкі вобраз чалавека працы, раскрыць ролю працоўнага калектыву і прафсаюзаў у грамадстве".
Дакументы і матэрыялы на саісканне прэміі Федэрацыі прафсаюзаў Беларусі прымаюцца да 1 снежня 2024 года. З палажэннем можна азнаёміцца на афіцыйным інтэрнэт-партале ФПБ.
Узнагароджванне пераможцаў пройдзе традыцыйна ў Свята працы - 1 Мая. З моманту заснавання прэмій лаўрэатамі сталі 4 прафесійныя і 26 аматарскіх калектыву мастацкай творчасці, 203 прадстаўнікі культуры, мастацтва і журналістыкі. Сярод іх, напрыклад, народныя артысты Беларусі Уладзімір Гасцюхін, Міхаіл Фінберг, Міхаіл Дрынеўскі, Аляксандр Яфрэмаў, Нацыянальны акадэмічны народны хор Беларусі імя Г.І. Цітовіча, заслужаны калектыў Беларусі, вакальна-інструментальны ансамбль "Шкляры", заслужаны аматарскі калектыў Беларусі народны ансамбль танца "Лявоніха" і многія іншыя.-0-
Прэстыжныя прэміі нацыянальнага прафцэнтра па праву заслужылі свой аўтарытэт сярод творчай супольнасці. З 1989-га раз у два гады па традыцыі прысуджаюцца восем прэмій, з іх пяць - у галіне літаратуры і мастацтва. Літаратурныя і музычныя творы, работы ў галіне тэатральнага і кінамастацтва, творы жывапісу, скульптуры, графікі і прыкладнога мастацтва і, вядома, лепшы твор аб прафсаюзах - у кожным выпадку кампетэнтнае журы ўжо гатова прымаць заяўкі.
Па адной прэміі выберуць за высокія дасягненні аматарскіх калектываў мастацкай творчасці і ў галіне журналістыкі. За актыўную работу па развіцці народнага мастацтва і аматарскай творчасці працоўных калектываў лаўрэата яшчэ адной прэміі будуць шукаць сярод кіраўнікоў прадпрыемстваў і арганізацый, прафсаюзных і ведамасных устаноў культуры і старшынь прафсаюзных арганізацый.
"Для нас важна, што лаўрэатамі прэмій могуць стаць не толькі прафесіяналы, якія шмат гадоў займаюцца творчасцю, але і аматары. Людзі любога ўзросту і любой прафесіі. Федэрацыя прафсаюзаў рэалізуе нямала сацыяльна значных культурных праектаў. Напрыклад, рэспубліканскі конкурс вакальнай творчасці працоўных калектываў "Новыя імёны", які ўжо сёння трансфармаваўся ў маштабны тэлевізійны праект "Зорны шлях". І мы бачым, колькі ў краіне сапраўды таленавітых людзей. Безумоўна, мы іх заўсёды будзем падтрымліваць і дапамагаць рэалізоўваць творчы патэнцыял, - расказаў намеснік старшыні Федэрацыі прафсаюзаў Беларусі Вадзім Грачоў. - Адна з асноўных умоў, акрамя непасрэдна дэманстрацыі высокага ўзроўню майстэрства ў той ці іншай галіне, - аўтары ў сваіх работах павінны ствараць мастацкі вобраз чалавека працы, раскрыць ролю працоўнага калектыву і прафсаюзаў у грамадстве".
Дакументы і матэрыялы на саісканне прэміі Федэрацыі прафсаюзаў Беларусі прымаюцца да 1 снежня 2024 года. З палажэннем можна азнаёміцца на афіцыйным інтэрнэт-партале ФПБ.
Узнагароджванне пераможцаў пройдзе традыцыйна ў Свята працы - 1 Мая. З моманту заснавання прэмій лаўрэатамі сталі 4 прафесійныя і 26 аматарскіх калектыву мастацкай творчасці, 203 прадстаўнікі культуры, мастацтва і журналістыкі. Сярод іх, напрыклад, народныя артысты Беларусі Уладзімір Гасцюхін, Міхаіл Фінберг, Міхаіл Дрынеўскі, Аляксандр Яфрэмаў, Нацыянальны акадэмічны народны хор Беларусі імя Г.І. Цітовіча, заслужаны калектыў Беларусі, вакальна-інструментальны ансамбль "Шкляры", заслужаны аматарскі калектыў Беларусі народны ансамбль танца "Лявоніха" і многія іншыя.-0-
Падпісвайцеся на нас у
