19 верасня, Мінск /Кар. БЕЛТА/. Старшынства ў Кансультатыўным савеце кіраўнікоў выбарчых органаў краін СНД перайшло да Беларусі. Цяпер савет будзе ўзначальваць старшыня ЦВК нашай краіны Ігар Карпенка. Такое рашэнне прынята на трэцім пасяджэнні Кансультатыўнага савета кіраўнікоў выбарчых органаў дзяржаў - удзельніц СНД у Мінску, перадае карэспандэнт БЕЛТА.
Цяпер удзельнікамі Пагаднення аб стварэнні Кансультатыўнага савета з'яўляюцца Арменія, Беларусь, Расія, Казахстан, Кыргызстан, Таджыкістан, Узбекістан. Кансультатыўны савет створаны для забеспячэння супрацоўніцтва паміж выбарчымі органамі дзяржаў - удзельніц СНД у мэтах садзейнічання ўдасканаленню выбарчага працэсу з улікам вопыту краін Садружнасці ў галіне правядзення выбараў і рэферэндумаў у адпаведнасці з заканадаўствам і міжнароднымі абавязацельствамі дзяржаў.-0-
Фота Віталя Піваварчыка
Падпісвайцеся на нас у
