Фота з архіва
10 чэрвеня, Мінск /Кар. БЕЛТА/. Сталі вядомы даты правядзення ўступных іспытаў пры прыёме ў 10-я класы ліцэяў, а таксама даты рэзервовых дзён, паведамілі БЕЛТА ў прэс-службе Міністэрства адукацыі.
Так, вучні, якія паступаюць у 10-я класы ліцэяў, будуць здаваць матэматыку 17 чэрвеня, хімію, беларускую і рускую мовы - 20 чэрвеня, замежную мову (англійскую, нямецкую, французскую, іспанскую) і геаграфію - 22 чэрвеня. Іспыты па фізіцы, гісторыі Беларусі і выяўленчым мастацтве (малюнак) пройдуць 24 чэрвеня. Для экзамену па біялогіі, грамадазнаўстве і інфарматыцы адведзена 27 чэрвеня.
Першым рэзервовым днём стане 29 чэрвеня, другім - 1 ліпеня.-0-
