Мабільная версія
ДЗЯРЖОРГАНЫ

Апошнія навіны
Усе навіны

Спрошчаны парадак праходжання граніцы будзе дзейнічаць для ўдзельнікаў і балельшчыкаў ІІ Еўрапейскіх гульняў

Грамадства 22.03.2019 | 17:05
Фота з архіва
Фота з архіва

22 сакавіка, Мінск /Кар. БЕЛТА/. У час правядзення ІІ Еўрапейскіх гульняў мытныя аперацыі ў адносінах да грамадзян, якія прыязджаюць на спартыўныя мерапрыемствы, будуць ажыццяўляцца ў першую чаргу. Аб гэтым БЕЛТА паведамілі ў Дзяржаўным мытным камітэце.

"Удзельнікі, афіцыйныя асобы і балельшчыкі будуць перасякаць мытную граніцу ў спрошчаным парадку, - адзначылі ў ведамстве. - У пунктах пропуску мытныя аперацыі ў адносінах да тавараў, што перамяшчаюцца імі, будуць праводзіцца на асобных спецыяльна абазначаных каналах для руху транспартных сродкаў".

Мытныя органы вядуць работу, накіраваную на забеспячэнне аператыўнага і максімальна камфортнага праходжання працэдур, звязаных з перасячэннем граніцы ўдзельнікамі і гасцямі ІІ Еўрапейскіх гульняў. Пры падрыхтоўцы да маштабнай спартыўнай падзеі, у прыватнасці, улічваўся станоўчы вопыт правядзення ў Мінску чэмпіянату свету па хакеі 2014 года, вывучаліся падыходы, што прымяняліся Азербайджанам пры правядзенні І Еўрапейскіх гульняў.

"Надзвычай важны складнік работы - забеспячэнне бяспекі пры ўездзе ў краіну, - адзначаюць у ДМК. - У мытнай службе папоўніўся арсенал дэтэктараў наркатычных і выбуховых рэчываў, радыёстанцый, персанальных пераносных відэарэгістратараў, сістэм счытвання інфармацыі. У пунктах пропуску сёння заканчваецца мадэрнізацыя сістэм відэаназірання".

Праведзена арганізацыйная работа і па лініі міжнароднага супрацоўніцтва. У 2018 годзе ДМК Беларусі заключыў мемарандумы з мытнымі службамі ўсіх дзяржаў-суседзяў па пытаннях, якія рэгулююць узаемадзеянне на час ІІ Еўрапейскіх гульняў. Арганізаваны сустрэчы з кіраўнікамі мытных службаў сумежных дзяржаў па аказанні садзейнічання ўдзельнікам і балельшчыкам гульняў, спрашчэнні перасячэння граніцы ў адносінах да такіх асоб.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.