ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -3°C
Усе навіны
Усе навіны
Грамадства
29 лістапада 2022, 14:53

Справы экстрэмісцкай накіраванасці і моманты, якія насцярожваюць. Падрабязнасці даклада ў Лукашэнкі кіраўніка СК

Дзмітрый Гара
Дзмітрый Гара

29 лістапада, Мінск /Кар. БЕЛТА/. Пытанні бягучай работы Следчага камітэта абмеркаваны ў час даклада Прэзідэнту Беларусі Аляксандру Лукашэнку, расказаў журналістам старшыня ведамства Дзмітрый Гара, перадае карэспандэнт БЕЛТА.

Асаблівыя акцэнты былі расстаўлены на пытаннях процідзеяння экстрэмізму. "Гэта датычыцца даручэння кіраўніка дзяржавы, якое было дадзена ў пачатку бягучага года, па скарачэнні астатку ў вядзенні крымінальных спраў экстрэмісцкай накіраванасці. Гэта выяўленне злачынцаў, прыцягненне іх да ўстаноўленай законам адказнасці. Даложана, што ў гэтым напрамку сумесна з органамі ўнутраных спраў, КДБ вядзецца вельмі сур'ёзная работа, і дастаткова рэзультатыўна", - расказаў кіраўнік ведамства.

"Чвэрць усіх крымінальных спраў, якія былі ўзбуджаны па экстрэмісцкай накіраванасці, накіраваны ў суды за 10 месяцаў бягучага года. Гэта значыць, у гэтым напрамку ў нас адзначаецца станоўчая тэндэнцыя", - падкрэсліў Дзмітрый Гара.

У цэлым, што датычыцца работы следчых, то выяўлены асобы, якія ўчынілі больш за 69 працэнтаў зарэгістраваных у гэтым годзе злачынстваў.

Акрамя таго, даложаны пытанні спецыяльнага вядзення на справах. Гэта прыцягненне да крымінальнай адказнасці асоб, якія хаваюцца за мяжой. "Даложана аб крымінальных справах, якія перададзены ўжо Следчым камітэтам у пракуратуру для накіравання ў суд, - расказаў Дзмітрый Гара. - Даложана, што цяпер адвакаты, назначаныя па крымінальных справах, знаёмяцца з матэрыяламі справы ў адносінах да Ціханоўскай, Латушкі і іншых членаў... Не буду нават называць гэту арганізацыю... Якія ўявілі сябе кіраўніцтвам нашай краіны. Гэта справа таксама ў бліжэйшы час будзе накіравана".

"Узгоднена пазіцыя з кіраўніком дзяржавы адносна накіравання ў суд у парадку спецыяльнага вядзення і крымінальных спраў не экстрэмісцкай накіраванасці, а ў адносінах да людзей, якія ўчынілі эканамічныя злачынствы, нанёсшы велізарны ўрон і грамадзянам, і дзяржарганізацыям. І ў якіх засталіся тут даволі вялікія актывы, што дазволяць кампенсаваць гэты ўрон. У гэтым напрамку таксама будзем працаваць", - заявіў старшыня Следчага камітэта.

Адказваючы на ​​пытанне БЕЛТА, ці ёсць якія-небудзь тэндэнцыі, якія насцярожваюць і бачны па рабоце следчых, Дзмітрый Гара пацвердзіў, што такія ёсць. "Год-два таму нас непакоіў рост кіберзлачынстваў, або злачынстваў у сферы інфармацыйна-камунікацыйных тэхналогій. Цяпер гэта велізарны рост махлярстваў таксама з выкарыстаннем інтэрнэту, так званыя ДТЗ-махлярствы, калі тэлефануюць грамадзянам, як правіла, пажылым. Гавораць аб тым, што сваяк трапіў у ДТЗ і тэрмінова трэба перадаць грошы або следчаму, каб ён гэту справу неяк правільна расследаваў, або ўрачу, каб ён правільна лячыў. Гэта значыць, людзі вядуцца і губляюць вялізныя грошы. Тут ідзе вельмі вялікі рост. Гэта непакоіць", - сказаў Дзмітрый Гара.

У Следчым камітэце таксама занепакоены ростам колькасці рэгіструемых злачынстваў супраць палавой недатыкальнасці і палавой свабоды, асабліва якія датычацца непаўналетніх. "Тут мы таксама адзначаем рост. Аналіз гэтай сітуацыі будзем праводзіць. Думаю, у нас павысілася выяўляльнасць. Але ўсё роўна ўсім суб'ектам прафілактыкі трэба будзе прыкласці намаганні для таго, каб выпраўляць сітуацыю менавіта ў гэтай сферы", - адзначыў старшыня Следчага камітэта.

Па выніках даклада дадзены даручэнні ў сферы кадравай работы, удасканалення працы па ўсіх напрамках. Даручана сканцэнтраваць намаганні на завяршэнні расследавання крымінальных спраў экстрэмісцкай накіраванасці. "І не выпускаць з-пад увагі тыя справы, якія з-за пэўных акалічнасцей мы не можам завяршыць цяпер. Гэта больш адносіцца да злачынстваў, што ўчыняюцца ў інтэрнэце. Гэта знявагі, пагрозы і гэтак далей. Але даручана назапашваць базу, фіксаваць усе проціпраўныя дзеянні, каб у далейшым была магчымасць прыцягнуць асоб, якія ўчынілі гэтыя злачынствы, да крымінальнай адказнасці", - сказаў Дзмітрый Гара.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі