14 снежня, Гродна /Кар. БЕЛТА/. Сёння ў ТЛЦ спецыялісты вывучаць патрэбнасці дзяцей бежанцаў у адукацыйных паслугах, перадае карэспандэнт БЕЛТА.
Сёння ідзе 37-ы дзень для бежанцаў на граніцы. Яны знаходзяцца ў пункце размяшчэння ў транспартна-лагістычным цэнтры "Брузгі". Нямала сярод бежанцаў і дзяцей. Сёння спецыялісты, у тым ліку вопытныя педагогі-псіхолагі з Гродна, навучаныя аказваць дапамогу дзецям у крызіснай сітуацыі, а таксама прадстаўнікі ЮНІСЕФ, вывучаюць патрэбнасці дзяцей у атрыманні адукацыйных паслуг.
"Адна з нашых задач - арганізаваць занятасць дзяцей. Мы таксама выяўляем дзяцей, якія маюць патрэбу ў псіхалагічнай дапамозе. З улікам таго, у якой сітуацыі яны аказаліся, дзеці, магчыма, зведваюць пачуццё трывогі", - сказала дырэктар Гродзенскага абласнога сацыяльна-педагагічнага цэнтра Ірына Кажура.
Спецыялісты прапанавалі дзецям і іх бацькам запоўніць анкету. Па выніках анкетавання будуць прымацца рашэнні па арганізацыі той ці іншай работы з дзецьмі.-0-