"Спаўзанне ў трэцюю сусветную". Платошкін пра рыторыку Мерца і гатоўнасць ФРГ паставіць Кіеву Taurus

24 красавіка, Мінск /Кар. БЕЛТА/. Рыторыка Фрыдрыха Мерца аб гатоўнасці паставіць Украіне ракеты Taurus можа прывесці да "спаўзання ў трэцюю сусветную вайну". Аб гэтым у праекце "У тэме" на YouTube-канале БЕЛТА заявіў доктар гістарычных навук Мікалай Платошкін.

"Калі 6 мая Мерц будзе выбраны федэральным канцлерам, што, увогуле, з'яўляецца пытаннем фармальным, ён можа паставіць Украіне дальнабойныя крылатыя ракеты Taurus. А яны далятаюць да Масквы. Мерц жа як гаворыць? Французы пастаўляюць SCALP, англічане - Storm Shadow... Чаму немцы не могуць? Але там да 300 км далёкасць, а ў Taurus - 590 км. З пункту гледжання баявых дзеянняў гэта зусім іншая рэч", - сказаў Мікалай Платошкін.

Эксперт назваў падобную рыторыку вельмі небяспечнай, таму што гэта з'яўляецца "спаўзаннем у трэцюю сусветную вайну". "Гэта ўсё з-за таго, што чалавек, які збіраецца стаць канцлерам ФРГ, легкаважны. Справа не ў тым, што ён нас не любіць. У яго логіка: калі іншыя пастаўляюць, чаму я не магу? Шольц, прынамсі, гаварыў, што не дапусціць ваеннага ўмяшання Германіі ў канфлікт. А гэты што робіць?" - дадаў Мікалай Платошкін.-0-