27 сакавіка, Мінск /Кар. БЕЛТА/. Мокры снег, моцны вецер і да плюс 15 градусаў абяцаюць у Беларусі сіноптыкі на тыдні з 28 сакавіка па 2 красавіка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Канец мінулага тыдня ў Беларусі выдаўся не па сезоне цёплым, тэмпературны фон значна апярэджваў каляндар, перанёсшы нас на месяц наперад. А на гэтым тыдні вясна ўсё ж возьме перадышку", - адзначылі ў Белгідрамеце.
Так, у аўторак, 28 сакавіка, умовы надвор'я ў Беларусі будуць вызначаць актыўныя франтальныя раздзелы ад паўднёвага цыклону з цэнтрам над тэрыторыяй нашай краіны, якія абумовяць ападкі рознай інтэнсіўнасці і працягласці ў выглядзе снегу, мокрага снегу і дажджу. У многіх раёнах чакаюцца моцныя ападкі. Месцамі мяцеліца, слабы галалёд, на асобных участках дарог галалёдзіца. У многіх раёнах краіны будзе ўзмацняцца вецер парывамі да 15-20 м/с. Пры гэтым тэмпературны фон у разрэзе краіны будзе даволі кантрасны - ноччу ад мінус 2 градусаў па захадзе да плюс 9 градусаў у паўднёва-ўсходніх раёнах. Днём тэмпература паветра складзе мінус 2 - плюс 4 градусы, а ва ўсходніх раёнах паветра ў сярэдзіне дня прагрэецца да 5-11 градусаў.
У сераду, 29 сакавіка, умовы надвор'я на тэрыторыі Беларусі будуць вызначаць атмасферныя франты і халодныя няўстойлівыя паветраныя масы, якія паступаюць з поўначы Еўропы. Пахаладае па ўсёй тэрыторыі краіны. У многіх раёнах Беларусі прадоўжаць ісці ападкі (снег, мокры снег, ноччу па ўсходзе з дажджом). Ноччу па поўначы месцамі моцны снег, мокры снег, па ўсходзе месцамі галалёд. У асобных раёнах мяцеліца, на дарогах галалёдзіца. Месцамі будзе ўзмацняцца вецер парывамі да 15-20 м/с. Тэмпература паветра ноччу апусціцца да мінус 5 - плюс 1 градуса. Днём чакаецца мінус 2 - плюс 5 градусаў.
У чацвер, 30 сакавіка, наша краіна ў асноўным апынецца ў вобласці павышанага атмасфернага ціску, толькі ноччу па ўсходзе, а днём пераважна па захадзе Беларусі будзе адчувацца ўплыў франтальных раздзелаў. Таму ноччу ва ўсходніх раёнах будзе кароткачасовы снег, мокры снег. Днём пераважна па захадзе чакаюцца ападкі ў выглядзе мокрага снегу і дажджу, месцамі слабы галалёд. Ноччу і раніцай на асобных участках дарог галалёдзіца. Тэмпература паветра ноччу складзе 2-8 градусаў марозу, пры ўмове працяглых праясненняў магчыма паніжэнне і да мінус 12 градусаў. Днём будзе плюс 1-8 градусаў, а ў заходніх раёнах - 9-11 градусаў цяпла.
У пятніцу, 31 сакавіка, на большай частцы тэрыторыі краіны прагназуюцца кароткачасовыя ападкі (дождж, ноччу з мокрым снегам). Ноччу і раніцай на асобных участках дарог галалёдзіца. Ноччу тэмпература паветра будзе ў межах ад плюс 6 градусаў па паўднёвым захадзе да мінус 5 градусаў па ўсходзе; а днём ад плюс 3 градусаў па ўсходзе да плюс 14 градусаў па паўднёвым захадзе.
Паводле папярэдняга прагнозу сіноптыкаў, у выхадныя дні на тэрыторыю нашай краіны пачне паступаць больш цёплая паветраная маса з поўдня, тэмпературны фон павысіцца, а ў ападках пачне пераважаць дождж.
У суботу, 1 красавіка, на большай частцы тэрыторыі краіны будуць кароткачасовыя дажджы. Ноччу і раніцай на асобных участках дарог галалёдзіца. Тэмпература паветра ноччу будзе вагацца ад 0 да плюс 7 градусаў, а днём - ад 4 градусаў цяпла па поўначы да плюс 15 градусаў па поўдні.
У нядзелю, 2 красавіка, часам пройдуць дажджы. Тэмпература паветра ноччу будзе ў межах ад 1 да 8 градусаў вышэй за нуль, а днём ад плюс 4 градусаў па захадзе да плюс 15 градусаў па паўднёвым усходзе.-0-
