2 снежня, Мінск /Кар. БЕЛТА/. Кароткачасовы снег чакаецца ў Беларусі 2 снежня, на асобных участках дарог рэспублікі захаваецца галалёдзіца. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачнае з праясненнямі надвор'е. Ноччу ў асобных раёнах, удзень на большай частцы тэрыторыі прагназуюцца кароткачасовыя ападкі - у асноўным снег. Месцамі слабы галалёд, на асобных участках дарог галалёдзіца.
Вецер заходні, паўднёва-заходні ўмераны, удзень месцамі парывісты. Тэмпература ноччу складзе ад нуля да мінус 6, удзень будзе ад 4 градусаў ніжэй за нуль да 2 цяпла.-0-
