16 лютага, Мінск /Кар. БЕЛТА/. Слабы туман і галалёдзіца чакаюцца ў Беларусі 17 лютага, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У сераду будзе пераменная воблачнасць. Месцамі па краіне, а ўначы ў многіх раёнах Віцебскай і Магілёўскай абласцей пройдзе невялікі кароткачасовы снег. Уначы і раніцай у асобных раёнах чакаецца слабы туман. На асобных участках дарог будзе галалёдзіца. Вецер прагназуецца няўстойлівы 2-7 м/с.
Тэмпература паветра ў начны час будзе 10-16 градусаў марозу, месцамі чакаецца мінус 17-20, а па паўднёвым захадзе Брэсцкай вобласці будзе 7-9 градусаў ніжэй за нуль. Удзень тэмпература паветра будзе вагацца ад мінус 2 градусаў па паўднёвым захадзе да мінус 10 па ўсходзе краіны.-0-
