ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +19°C
Усе навіны
Усе навіны
Грамадства
19 мая 2022, 16:23

Сівец: у рабоце са зваротамі грамадзян не павінна быць фармалізму

Сяргей Сівец. Фота з архіва
Сяргей Сівец. Фота з архіва

19 мая, Мінск /Кар. БЕЛТА/. У рабоце са зваротамі грамадзян не павінна быць фармалізму, заявіў журналістам старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей Сівец. Сёння ён правёў асабісты прыём грамадзян, у тым ліку індывідуальных прадпрымальнікаў, іх прадстаўнікоў і прадстаўнікоў юрыдычных асоб, паведамляе карэспандэнт БЕЛТА.

"Звароты грамадзян у дзяржаўныя органы маюць канстытуцыйна-прававую прыроду. Грамадзянам арт. 40 Канстытуцыі дае магчымасць шляхам пісьмовых, вусных або электронных зваротаў сфакусіраваць увагу дзяржаўных органаў на той ці іншай праблеме, якая іх хвалюе. Вядома, практыка асабістых прыёмаў паказвае, што ў большай ступені з прыватнаправавымі пытаннямі і праблемамі людзі прыходзяць, але ў той жа час бачаць, магчыма, на іх погляд, недахопы заканадаўства, якія так ці інакш ушчамляюць іх маёмасныя правы. І тут вельмі важная камунікацыя паміж органамі дзяржаўнай улады і грамадзянамі на прадмет растлумачэння або тлумачэння тых ці іншых рэгламентуючых палажэнняў нарматыўна-прававых актаў і, магчыма, выпрацоўкі нейкага далейшага алгарытму вырашэння гэтага пытання як у судовым, так і ў несудовым парадку", - расказаў Сяргей Сівец.

Сенатар канстатаваў: як паказвае практыка, такія сустрэчы ў многім даюць магчымасць здымаць вастрыню праблемы. "Грамадзяне крыху пад іншым ужо ракурсам глядзяць на ўзнікаючыя пытанні і, думаю, што дзесьці карэкціруюцца мадэлі іх далейшых паводзін, каб яны не хадзілі па інстанцыях, па вертыкалі ўлады, а выкарыстоўвалі ўвесь існуючы на сённяшні дзень арсенал і лінейку магчымасцей для вырашэння гэтага пытання. У тым ліку шляхам дасягнення нейкага пагаднення або кампрамісу са сваімі контрагентамі, - адзначыў ён. - Гэта значыць гэта вельмі важная форма стасункаў з насельніцтвам, якая дае магчымасць, з аднаго боку, грамадзянам рэалізаваць сваё канстытуцыйнае права на ўдзел у кіраванні справамі грамадства і дзяржавы, а з іншага боку - дзяржорганам і службовым асобам атрымаць дадатковую крыніцу інфармацыі для прыняцця адпаведных рашэнняў", - адзначыў ён.

Савет Рэспублікі ўдзяляе вельмі вялікую ўвагу гэтай рабоце. "Мы праводзім вельмі часта выязныя прэзідыумы. Ужо на наступным тыдні мы выязджаем ва ўсе раёны Віцебскай вобласці для таго, каб гэтак жа сустрэцца з насельніцтвам, паглядзець, якія праблемы і пытанні іх хвалююць. Паглядзець, наколькі эфектыўна службовыя асобы рэалізуюць гэту важную функцыю - работу з насельніцтвам. Наколькі нефармальна яны падыходзяць да гэтай работы. Таму што нават з іх адказаў на звароты грамадзян відаць, наколькі глыбока тая ці іншая службовая асоба ўнікла ў праблемнае пытанне, ці сапраўды хацела разабрацца дасканала і прапанаваць магчымы варыянт вырашэння гэтага пытання, - падкрэсліў Сяргей Сівец. - Гэта работа вельмі важная. Мы будзем яе прадаўжаць".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі