Фота з архіва
Заўтра першы дзень каляндарнай вясны. Ці будзе надвор'е адпавядаць пачатку новага сезона? Чаго беларусам чакаць ад пачатку сакавіка? На гэтыя пытанні карэспандэнту БЕЛТА адказалі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды (Белгідрамеце).
Прагноз на бліжэйшыя дні
"Першы вясенні месяц пачнецца з цёплага надвор'я. Пры гэтым пад уплывам вобласці павышанага атмасфернага ціску істотных ападкаў не чакаецца, толькі ў ранішні і дзённы час нядзелі, 3 сакавіка, у паўднёва-заходніх рэгіёнах краіны, дзе будзе адчувацца ўплыў франтальнага раздзелу, пройдуць кароткачасовыя дажджы", - расказалі сіноптыкі.
У пачатку наступнага тыдня ініцыятыва ў надвор'і па-ранейшаму будзе належаць вобласці павышанага атмасфернага ціску, у сувязі з чым істотных ападкаў па краіне не чакаецца. Толькі па паўднёвым захадзе краіны ў панядзелак і аўторак, 4-5 сакавіка, яшчэ будзе захоўвацца ўплыў маларухомага атмасфернага фронту.
"Разам з тым чакаецца паступленне ў Беларусь больш халаднаватай паветранай масы. У выніку чаго тэмпературны фон пачне паніжацца, а чаканыя ў паўднёва-заходніх раёнах ападкі стануць ісці ў выглядзе мокрага снегу і дажджу, што будзе садзейнічаць утварэнню галалёдных з'яў", - адзначылі ў Белгідрамеце.
У пятніцу, 1 сакавіка, будзе пераважна без ападкаў. У начны і ранішні час у асобных раёнах магчымы туман. Тэмпература паветра ўначы складзе ад мінус 2 да плюс 4, па паўднёвым захадзе - 5-7 градусаў цяпла. Удзень будзе ад плюс 4 па паўночным усходзе да 15 градусаў цяпла па паўднёвым захадзе.
У суботу, 2 сакавіка, будзе пераважна без ападкаў. Тэмпература паветра ўначы складзе ад мінус 3 да плюс 4, па захадзе - да плюс 6. Днём будзе ад плюс 5 па паўночным усходзе да 15 градусаў цяпла па паўднёвым захадзе.
У нядзелю, 3 сакавіка, будзе пераважна без ападкаў, толькі раніцай і днём месцамі па паўднёвым захадзе пройдуць кароткачасовыя дажджы. Ноччу і раніцай у паўднёва-заходніх раёнах чакаюцца слабыя туман і галалёд. Тэмпература паветра ўначы складзе ад мінус 4 па ўсходзе да плюс 6 па паўднёвым захадзе. Удзень будзе 3-10 градусаў цяпла, у паўднёва-заходніх раёнах - да плюс 12.
У панядзелак і аўторак, 4-5 сакавіка, будзе пераважна без ападкаў. Толькі па паўднёвым захадзе краіны пройдуць кароткачасовыя ападкі (мокры снег, дождж), ноччу месцамі слабы галалёд. Ноччу і раніцай на асобных участках дарог магчыма галалёдзіца. Тэмпература паветра ўначы складзе ад мінус 4 да плюс 3. Днём будзе 1-8 градусаў цяпла, па паўднёвым захадзе - да плюс 11.
У сераду, 6 сакавіка, будзе пераважна без ападкаў. На асобных участках дарог магчыма галалёдзіца. Тэмпература паветра ўначы складзе ад мінус 5 да плюс 2, удзень - ад мінус 1 да плюс 6 градусаў.
Якое звычайна бывае надвор'е ў Беларусі ў сакавіку
"Пачаткам кліматычнай вясны лічыцца час, калі ажыццяўляецца ўстойлівы пераход сярэдняй сутачнай тэмпературы паветра цераз адзнаку нуль градусаў у бок павышэння. Гэта звычайна адбываецца ў апошняй дэкадзе лютага - першай і другой дэкадах сакавіка. Развіццё вясенніх працэсаў распаўсюджваецца з паўднёва-заходняй часткі краіны на паўночны ўсход", - расказалі ў Белгідрамеце.
Сярэдняя месячная тэмпература паветра сакавіка (кліматычная норма) па Беларусі складае 0,8 градуса, змяняючыся ад мінус 0,8 на паўночным усходзе да плюс 2,7 на паўднёвым захадзе, што на 4-5 градусаў вышэй, чым у лютым. У залежнасці ад характару атмасферных працэсаў сярэднямесячная тэмпература можа рэзка адрознівацца ад кліматычнай нормы. Так, цяплей, чым звычайна, на 3-4 градусы было ў сакавіку 1990, 2007, 2014, 2015, 2017 гадоў. З іх сакавік 2007 года выдаўся выключна цёплым і перавысіў кліматычную норму на 4,4 градуса. Халадней, чым звычайна, было ў сакавіку 1952, 1963, 1987 гадоў, калі сярэдняя месячная тэмпература паветра была на 7-10 градусаў ніжэйшай за кліматычную норму. Самы халодны сакавік у Беларусі адзначаўся ў 1952 годзе, калі сярэдняя месячная тэмпература паветра была на 9,8 градуса ніжэйшай за кліматычную норму.
Абсалютны максімум тэмпературы для гэтага месяца (плюс 23,1) зафіксаваны ў Лельчыцах 19 сакавіка 1990 года. Абсалютны мінімум тэмпературы (мінус 38) адзначаны ў Жлобіне 8 сакавіка 1964 года.
За месяц выпадае 30-49 мм ападкаў (кліматычная норма). Год ад году колькасць ападкаў можа вагацца ад 1-7 мм да 69-189 мм.
У першым месяцы вясны на працягу 1-5 дзён назіраюцца туманы. У асобныя гады колькасць дзён з туманамі можа дасягаць 9-17. У сакавіку адзначаецца ў сярэднім па асобных пунктах назірання адзін дзень з галалёдам, 1-3 дні з інеем, адзін дзень з мяцеліцай. Навальніцы ў сакавіку адзначаюцца не штогод, па асобных пунктах назірання паўтаральнасць навальніц у сакавіку складае 1-3 дні з навальніцай за 10 гадоў.
Валерыя ГАЎРЫЛАВА,
БЕЛТА.-0-
Прагноз на бліжэйшыя дні
"Першы вясенні месяц пачнецца з цёплага надвор'я. Пры гэтым пад уплывам вобласці павышанага атмасфернага ціску істотных ападкаў не чакаецца, толькі ў ранішні і дзённы час нядзелі, 3 сакавіка, у паўднёва-заходніх рэгіёнах краіны, дзе будзе адчувацца ўплыў франтальнага раздзелу, пройдуць кароткачасовыя дажджы", - расказалі сіноптыкі.
У пачатку наступнага тыдня ініцыятыва ў надвор'і па-ранейшаму будзе належаць вобласці павышанага атмасфернага ціску, у сувязі з чым істотных ападкаў па краіне не чакаецца. Толькі па паўднёвым захадзе краіны ў панядзелак і аўторак, 4-5 сакавіка, яшчэ будзе захоўвацца ўплыў маларухомага атмасфернага фронту.
"Разам з тым чакаецца паступленне ў Беларусь больш халаднаватай паветранай масы. У выніку чаго тэмпературны фон пачне паніжацца, а чаканыя ў паўднёва-заходніх раёнах ападкі стануць ісці ў выглядзе мокрага снегу і дажджу, што будзе садзейнічаць утварэнню галалёдных з'яў", - адзначылі ў Белгідрамеце.
У пятніцу, 1 сакавіка, будзе пераважна без ападкаў. У начны і ранішні час у асобных раёнах магчымы туман. Тэмпература паветра ўначы складзе ад мінус 2 да плюс 4, па паўднёвым захадзе - 5-7 градусаў цяпла. Удзень будзе ад плюс 4 па паўночным усходзе да 15 градусаў цяпла па паўднёвым захадзе.
У суботу, 2 сакавіка, будзе пераважна без ападкаў. Тэмпература паветра ўначы складзе ад мінус 3 да плюс 4, па захадзе - да плюс 6. Днём будзе ад плюс 5 па паўночным усходзе да 15 градусаў цяпла па паўднёвым захадзе.
У нядзелю, 3 сакавіка, будзе пераважна без ападкаў, толькі раніцай і днём месцамі па паўднёвым захадзе пройдуць кароткачасовыя дажджы. Ноччу і раніцай у паўднёва-заходніх раёнах чакаюцца слабыя туман і галалёд. Тэмпература паветра ўначы складзе ад мінус 4 па ўсходзе да плюс 6 па паўднёвым захадзе. Удзень будзе 3-10 градусаў цяпла, у паўднёва-заходніх раёнах - да плюс 12.
У панядзелак і аўторак, 4-5 сакавіка, будзе пераважна без ападкаў. Толькі па паўднёвым захадзе краіны пройдуць кароткачасовыя ападкі (мокры снег, дождж), ноччу месцамі слабы галалёд. Ноччу і раніцай на асобных участках дарог магчыма галалёдзіца. Тэмпература паветра ўначы складзе ад мінус 4 да плюс 3. Днём будзе 1-8 градусаў цяпла, па паўднёвым захадзе - да плюс 11.
У сераду, 6 сакавіка, будзе пераважна без ападкаў. На асобных участках дарог магчыма галалёдзіца. Тэмпература паветра ўначы складзе ад мінус 5 да плюс 2, удзень - ад мінус 1 да плюс 6 градусаў.
Якое звычайна бывае надвор'е ў Беларусі ў сакавіку
"Пачаткам кліматычнай вясны лічыцца час, калі ажыццяўляецца ўстойлівы пераход сярэдняй сутачнай тэмпературы паветра цераз адзнаку нуль градусаў у бок павышэння. Гэта звычайна адбываецца ў апошняй дэкадзе лютага - першай і другой дэкадах сакавіка. Развіццё вясенніх працэсаў распаўсюджваецца з паўднёва-заходняй часткі краіны на паўночны ўсход", - расказалі ў Белгідрамеце.
Сярэдняя месячная тэмпература паветра сакавіка (кліматычная норма) па Беларусі складае 0,8 градуса, змяняючыся ад мінус 0,8 на паўночным усходзе да плюс 2,7 на паўднёвым захадзе, што на 4-5 градусаў вышэй, чым у лютым. У залежнасці ад характару атмасферных працэсаў сярэднямесячная тэмпература можа рэзка адрознівацца ад кліматычнай нормы. Так, цяплей, чым звычайна, на 3-4 градусы было ў сакавіку 1990, 2007, 2014, 2015, 2017 гадоў. З іх сакавік 2007 года выдаўся выключна цёплым і перавысіў кліматычную норму на 4,4 градуса. Халадней, чым звычайна, было ў сакавіку 1952, 1963, 1987 гадоў, калі сярэдняя месячная тэмпература паветра была на 7-10 градусаў ніжэйшай за кліматычную норму. Самы халодны сакавік у Беларусі адзначаўся ў 1952 годзе, калі сярэдняя месячная тэмпература паветра была на 9,8 градуса ніжэйшай за кліматычную норму.
Абсалютны максімум тэмпературы для гэтага месяца (плюс 23,1) зафіксаваны ў Лельчыцах 19 сакавіка 1990 года. Абсалютны мінімум тэмпературы (мінус 38) адзначаны ў Жлобіне 8 сакавіка 1964 года.
За месяц выпадае 30-49 мм ападкаў (кліматычная норма). Год ад году колькасць ападкаў можа вагацца ад 1-7 мм да 69-189 мм.
У першым месяцы вясны на працягу 1-5 дзён назіраюцца туманы. У асобныя гады колькасць дзён з туманамі можа дасягаць 9-17. У сакавіку адзначаецца ў сярэднім па асобных пунктах назірання адзін дзень з галалёдам, 1-3 дні з інеем, адзін дзень з мяцеліцай. Навальніцы ў сакавіку адзначаюцца не штогод, па асобных пунктах назірання паўтаральнасць навальніц у сакавіку складае 1-3 дні з навальніцай за 10 гадоў.
Валерыя ГАЎРЫЛАВА,
БЕЛТА.-0-
