8 жніўня, Мінск /Кар. БЕЛТА/. Пацяпленне ў канцы тыдня абяцаюць сіноптыкі ў Беларусі. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Зменлівасць надвор'я - адна з характэрных рыс гэтага лета. Не паспелі тэмпературы паветра дасягнуць 30-градусных адзнак, як на змену гарачыні ў нядзелю прыйшло халаднаватае надвор'е з тэмпературным фонам на 1-4 градусы ніжэйшым за кліматычную норму. На большай частцы тэрыторыі краіны прайшлі дажджы з навальніцамі. Месцамі дажджы дасягалі крытэрыяў моцных, а вецер у асобных раёнах узмацняўся да крытэрыяў моцнага парывістага", - расказалі ў Белгідрамеце.
Паводле інфармацыі сіноптыкаў, у бліжэйшыя дні з паўночна-заходнімі патокамі на тэрыторыю Беларусі прадоўжыць паступаць халаднаватая паветраная маса, а значыць, тэмпературны фон будзе стрыманым. Пад уплывам вобласці павышанага атмасфернага ціску істотных ападкаў па краіне не прагназуецца. Толькі днём 9 жніўня па паўночна-заходняй палавіне рэспублікі будуць фарміравацца кучава-дажджавыя воблакі. У гэтых раёнах месцамі пройдуць кароткачасовыя дажджы з навальніцамі.
У аўторак, 9 жніўня, надвор'е будзе пераважна без ападкаў. У начныя і ранішнія гадзіны ў асобных раёнах слабы туман. Тэмпература паветра ноччу складзе плюс 8-14 градусаў, днём - плюс 20-26.
У сераду, 10 жніўня, чакаецца пераважна без ападкаў, толькі днём у асобных раёнах па паўднёвым захадзе краіны пройдуць кароткачасовыя дажджы, магчымы навальніцы. Ноччу і раніцай месцамі слабы туман. Тэмпература паветра ноччу дасягне плюс 8-15 градусаў. Днём слупок тэрмометра паднімецца да плюс 20-26.
У чацвер, 11 жніўня, сіноптыкі таксама абяцаюць надвор'е пераважна без ападкаў. Ноччу і раніцай у асобных раёнах краіны магчымы слабы туман. Ноччу тэмпература паветра будзе вагацца ад плюс 8 да плюс 15 градусаў. Днём паветра прагрэецца да 22-28 градусаў цяпла.
Паводле папярэдніх прагнозаў, у канцы тыдня чакаецца тэндэнцыя да пацяплення. Так, у пятніцу, 12 жніўня, будзе пераважна без ападкаў. Ноччу і раніцай у асобных раёнах краіны магчымы слабы туман. У начны час тэмпература паветра складзе плюс 8-15 градусаў, а па поўдні краіны чакаецца да плюс 17 градусаў. Максімальная тэмпература днём будзе плюс 24-30 градусаў.
У суботу, 13 жніўня, пераважна па паўднёвай палавіне рэспублікі чакаюцца кароткачасовыя дажджы, а ў асобных раёнах навальніцы. Тэмпература паветра ноччу складзе плюс 10-17 градусаў, а па поўдні краіны - плюс 19 градусаў. Днём паветра прагрэецца да плюс 24-30 градусаў, у паўднёвых раёнах - да плюс 32 градусаў.
У нядзелю, 14 жніўня, месцамі па Беларусі прагназуюцца кароткачасовыя дажджы і навальніцы. Ноччу тэмпература паветра дасягне плюс 12-18 градусаў, а па поўдні - плюс 20 градусаў. Днём слупок тэрмометра паднімецца да плюс 24-30 градусаў, па поўдні краіны - да 32.-0-
