ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Малавоблачна +11°C
Усе навіны
Усе навіны
Грамадства
18 студзеня 2022, 16:39

Сімакова аб выніках акцыі "Нашы дзеці": мы бачым неабыякавасць кожнага жыхара краіны

Фота з архіва
Фота з архіва

18 студзеня, Мінск /Кар. БЕЛТА/. Галоўны спецыяліст упраўлення сацыяльнай, выхаваўчай і ідэалагічнай работы Міністэрства адукацыі Алена Сімакова падвяла вынікі маштабнай дабрачыннай акцыі "Нашы дзеці", перадае карэспандэнт БЕЛТА.

Акцыя "Нашы дзеці" праходзіла ў Беларусі з 14 снежня 2021 года па 14 студзеня 2022-га. У гэты перыяд кіраўнікі міністэрстваў і іншых органаў дзяржкіравання, мясцовых улад, прадстаўнікі грамадскіх арганізацый наведалі дзіцячыя інтэрнаты і дамы сямейнага тыпу, апякунскія і прыёмныя сем'і, сем'і, якія выхоўваюць дзяцей-інвалідаў, цэнтры карэкцыйна-развіваючага навучання і рэабілітацыі, бальніцы. Яны павіншавалі дзяцей з Новым годам, Калядамі і ўручылі падарункі, аказалі дапамогу ў вырашэнні існуючых праблем. Да дабрачыннай акцыі далучыліся грамадскія аб'яднанні і іншыя арганізацыі.

"У гэтым годзе ўрачысты старт акцыі быў дадзены ў Нацыянальным цэнтры мастацкай творчасці дзяцей і моладзі ў Мінску. Паралельна адкрыццё прайшло ў абласных цэнтрах і вялікіх гарадах Беларусі. У гэтым годзе 150 рэспубліканскіх арганізацый наведалі розныя ўстановы: школы-інтэрнаты, дзіцячыя дамы, бальніцы, рэабілітацыйныя цэнтры і іншыя", - расказала Алена Сімакова.

Дабрачыннае навагодняе свята ў Палацы Рэспублікі з удзелам кіраўніка дзяржавы стала цэнтральнай падзеяй акцыі. Яно адбылося 27 снежня для 2370 дзяцей з усіх рэгіёнаў краіны. Сярод дзяцей былі як пераможцы алімпіяд і конкурсаў, так і дзеці-сіроты, якія выхоўваюцца ў апякунскіх сем'ях, дзеці-інваліды, якія маюць абмежаванні па здароўі.

Рэспубліканскі навагодні баль для моладзі з удзелам Прэзідэнта адбыўся ў Палацы Незалежнасці 24 снежня. На ім былі задзейнічаны 337 юнакоў і дзяўчат, а таксама 11 супрацоўнікаў Нацыянальнай школы прыгажосці. Сярод гасцей - стыпендыяты спецфонду Прэзідэнта па сацыяльнай падтрымцы адораных навучэнцаў і студэнтаў, пераможцы, удзельнікі і лаўрэаты конкурсаў, алімпіяд, канферэнцый, прадстаўнікі валанцёрскага і студатрадаўскага руху, уладальніцы тытулаў конкурсаў прыгажосці, прызёры спартыўных спаборніцтваў.

У перыяд правядзення акцыі 4, 5 і 6 студзеня ў Палацы Незалежнасці адбыліся навагоднія паказы для 1,5 тыс. дзяцей. Дэлегацыі з кожнага рэгіёна Беларусі былі запрошаны ў сталіцу. Тут для дзяцей была арганізавана святочная праграма і ўручаны падарункі.

"Да акцыі "Нашы дзеці" актыўна далучыліся прадпрыемствы ўсіх форм уласнасці. Напрыклад, Міністэрства працы і сацабароны прыцягнула больш за Br330 тыс. для дзевяці інтэрнатаў, у якіх выхоўваюцца дзеці-інваліды. Радуе такая ўключанасць прадстаўнікоў дзяржаўных рэспубліканскіх і абласных органаў улады. Гэта сведчыць аб тым, як многа для нас значаць нашы дзеці", - падкрэсліла галоўны спецыяліст упраўлення сацыяльнай, выхаваўчай і ідэалагічнай работы Міністэрства адукацыі.

Алена Сімакова адзначыла, што, паводле інфармацыі Міністэрства транспарту і камунікацый - усімі арганізацыямі, падпарадкаванымі гэтаму міністэрству, была аказана дапамога на суму большую за Br153 тыс. У тым ліку больш за Br117 тыс. толькі ад Беларускай чыгункі. Дзяржаўным ваенна-прамысловым камітэтам аказана дапамога на суму большую за Br150 тыс.

"У рамках бязвыплатнай спонсарскай дапамогі нашы ўстановы адукацыі ствараюць больш сучасныя ўмовы для выхавання і развіцця нашых навучэнцаў", - звярнула ўвагу яна.

Па традыцыі Беларускі дзіцячы фонд арганізаваў дабрачынную акцыю "Нашы сэрцы - дзецям". У перыяд яе правядзення дапамогу і падтрымку атрымалі 7954 дзіцяці. Агульная сума, на якую былі прадастаўлены падарункі і арганізаваны мерапрыемствы, склала больш за Br160 тыс.

У гэтым годзе Беларускі дзіцячы фонд падтрымаў усіх арганізатараў акцыі і прадаставіў пляцоўку для збору сродкаў ад усіх неабыякавых грамадзян. "Хочацца адзначыць і тое, што ўжо 10-ы раз прайшоў тэлемарафон "Сагрэем дзіцячыя сэрцы", арганізаваны Магілёўскім абласным аддзяленнем Беларускага дзіцячага фонду. "Не можа не радаваць, што неабыякавыя жыхары вобласці пералічылі больш за Br91 тыс. Гэта акцыя яшчэ прадаўжаецца і завершыцца 31 студзеня. Усе сродкі накіруюць на набыццё медыцынскага абсталявання для цяжкахворых дзяцей", - канстатавала Алена Сімакова.

"Такія прыклады сведчаць аб тым, што ў рамках гэтай акцыі мы яскрава бачым, наколькі неабыякавы кожны жыхар краіны да становішча дзяцей. Паводле папярэдніх падлікаў, больш за Br3,2 млн паступіла з розных крыніц. Гэта не толькі спонсарскія сродкі, якія былі прадастаўлены на аснове дагавораў, але і бюджэтныя, якія былі выдзелены на правядзенне асноўных рэспубліканскіх абласных мерапрыемстваў", - сказала яна.

Акрамя таго, галоўны спецыяліст упраўлення сацыяльнай, выхаваўчай і ідэалагічнай работы Міністэрства адукацыі звярнула ўвагу, што традыцыйнымі мерапрыемствамі акцыі сталі адкрыцці дзіцячых дамоў сямейнага тыпу, пабудаваных за кошт сродкаў рэспубліканскіх абласных бюджэтаў. "Паводле нашых падлікаў, традыцыя адкрыцця такіх устаноў развіваецца ў Беларусі з 2010 года. На працягу гэтага часу ў перыяд акцыі "Нашы дзеці" каля 150 сямейных дзіцячых дамоў былі пабудаваны і здадзены. Аднак патрэбнасць у будаўніцтве такіх жылых памяшканняў штогод змяншаецца. Гэта звязана з тым, што змяншаецца колькасць дзяцей, маючых патрэбу ва ўладкаванні ў замяшчальныя сем'і, паколькі дзеці прадаўжаюць выхоўвацца ў сваіх родных сем'ях. На гэта накіравана вялікая прафілактычная работа", - адзначыла яна.

"Можна сказаць, што акцыя завяршылася, але не завяршылася дабрачыннасць і неабыякавае стаўленне да нашых дзяцей. Тыя сувязі і валанцёрскія ініцыятывы, якія з'явіліся ў час акцыі "Нашы дзеці", будуць развівацца на працягу года", - рэзюмавала Алена Сімакова.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі