ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -3°C
Усе навіны
Усе навіны
Грамадства
24 студзеня 2023, 15:20

Шырокае прымяненне айчыннай вакцыны ад COVID-19 плануецца пачаць у Беларусі ў 2024 годзе

Фота з архіва
Фота з архіва

24 студзеня, Мінск /Кар. БЕЛТА/. Шырокае прымяненне айчыннай вакцыны ад COVID-19 плануецца пачаць у Беларусі ў 2024 годзе, паведаміў журналістам міністр аховы здароўя Дзмітрый Піневіч перад сустрэчай з маладзёжным актывам у сферы аховы здароўя ў Рэспубліканскім Палацы культуры прафсаюзаў, перадае карэспандэнт БЕЛТА.

"Мы атрымаем доследна-прамысловую партыю, якая адправіцца на даклініку, вельмі строгую клініку. Мы плануем зарэгістраваць вакцыну ў канцы бягучага года, - сказаў Дзмітрый Піневіч. - Шырокае прымяненне будзе пачата ў 2024 годзе. Але ці будзе яе шырокае прымяненне - паглядзім".

Міністр глыбока перакананы, што пандэмія ў ранейшай форме ўжо не вернецца. Зрэшты, важна тое, што распрацаваная айчынная вакцына з'яўляецца платформай для стварэння іншых інактываваных вакцын, прызначаных для прафілактыкі вірусных захворванняў, якія перадаюцца паветрана-кропельным шляхам.

"Гэта вытворчасць дасць магчымасць нам мець значна больш шырокую лінейку, чым уласна тая вакцына, пра якую вы задаяце пытанне", - сказаў Дзмітрый Піневіч.

У сувязі з гэтым ён заўважыў, што састаў вакцыны, напрыклад, супраць грыпу пераглядаецца да кожнага эпідсезона з улікам прагнозаў цыркулявання тых ці іншых штамаў. Цяпер цыркулюе H1N1, але "мы яго не адчуваем, паколькі процігрыпозная вакцына ўключае гэты штам", заўважыў міністр. Тыя, хто прышчапіўся, ужо мае сфарміраваны імунітэт супраць гэтай інфекцыі.

Што датычыцца вакцыны супраць каранавіруса, былі размовы аб тым, каб уключыць у яе склад такія варыянты, як амікрон, кентаўр, кракен і іншыя. "Але ўханьскі штам як аснова даволі добра працуе. Вакцынацыя - гэта не пытанне аб тым, каб выключыць выпадкі захворвання наогул, вакцынацыя - гэта перш за ўсё пытанне праходжання гэтай інфекцыі ў чалавека ў больш лёгкай форме", - заўважыў міністр.

Дзякуючы створанай платформе пры неабходнасці ў састаў вакцыны супраць каранавіруса можна будзе ўнесці змяненні, і гэта не выкліча складанасцей, дадаў міністр.

Дзмітрый Піневіч заўважыў, што ў калектыве, які працуе над вакцынай, даволі вялікая ўдзельная вага маладых вучоных. "Сплаў вопыту і маладосці, запалу, інавацыйнасці вельмі важны ва ўсіх напрамках", - падкрэсліў ён.

Міністр таксама расказаў аб бягучай эпідсітуацыі ў краіне. У прыватнасці, каранавірус "маглі б зняць як праблему, якая для нас важная, але мы яе маніторым", адзначыў ён. У цэлым цыркулююць каранавірус, грып, рэспіраторныя вірусы, і ўсе яны маюць у чымсьці падобныя клінічныя сімптомы. Хварэюць дзеці, людзі старэйшага ўзросту, што з'яўляецца звычайнай сезоннай сітуацыяй, адзначыў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі