Сцяг Серада, 24 красавіка 2024
Усе навіны
Усе навіны
Грамадства
23 лютага 2024, 13:32

Швед: сумесныя намаганні дэпутатаў і пракурораў накіраваны на забеспячэнне правоў і законных інтарэсаў грамадзян

Андрэй Швед
Андрэй Швед
23 лютага, Мінск /Кар. БЕЛТА/. Сумесныя намаганні дэпутатаў і пракурораў накіраваны на забеспячэнне правоў і законных інтарэсаў грамадзян, заявіў журналістам генеральны пракурор Андрэй Швед пасля галасавання на ўчастку нумар 482 у Цэнтральным раёне Мінска, перадае карэспандэнт БЕЛТА.

Генпракурор адзначыў, што паміж органамі пракуратуры і дэпутацкім корпусам склалася вельмі добрае, канструктыўнае ўзаемадзеянне.

"Не выпадкова дэпутаты прадстаўляюць спадзяванні людзей і ў многіх выпадках да іх у першую чаргу ідуць. Адпаведна пры неабходнасці яны часта да нас звяртаюцца, і мы аказваем усялякае садзейнічанне, каб сумеснымі намаганнямі ўсталяваць справядлівасць і забяспечыць правы і законныя інтарэсы нашых грамадзян", - сказаў Андрэй Швед.

Ён выказаў упэўненасць, што будучы склад дэпутатаў будзе такім жа канструктыўным.

Што датычыцца бачання ідэальнага дэпутата, генпракурор лічыць, што гэта павінен быць чалавек, які любіць сваю краіну, сваіх людзей, ушчэнт дзяржаўнік і які кіруецца ў першую чаргу інтарэсамі простых грамадзян і дзяржавы ў цэлым, жадае працвітання Беларусі.-0-
Падпісвайцеся на нас у
Twitter
Топ-навіны
Свежыя навіны Беларусі