ДЗЯРЖОРГАНЫДЗЯРЖОРГАНЫ
Флаг Серада, 20 кастрычніка 2021
Мінск Пераменная воблачнасць +8°C
Усе навіны
Усе навіны
Грамадства
15 верасня 2021, 12:06

Што за свята і ці будзе яно выхадным. Беларусь 17 верасня ўпершыню адзначыць Дзень народнага адзінства

Фота з архіва
Фота з архіва

15 верасня, Мінск /Кар. БЕЛТА/. У Беларусі 17 верасня ўпершыню будуць адзначаць Дзень народнага адзінства, паведамляе БЕЛТА.

Прапановы заснаваць гэта свята прагучалі ў лютым бягучага года на VI Усебеларускім народным сходзе. Менавіта ў гэты дзень - 17 верасня - у 1939 годзе пачаўся Польскі паход Чырвонай Арміі, у выніку якога адбылося ўз'яднанне Заходняй Беларусі і БССР.

Прэзідэнт Беларусі Аляксандр Лукашэнка падтрымаў ініцыятыву. Адпаведны ўказ аб заснаванні новага дзяржаўнага свята кіраўнік дзяржавы падпісаў 7 чэрвеня.

"Дзень народнага адзінства будзе адзначацца 17 верасня (не выхадны дзень). Гэты дзень стаў актам гістарычнай справядлівасці ў адносінах да беларускага народа, падзеленага супраць яго волі ў 1921 годзе па ўмовах Рыжскага мірнага дагавора, і назаўсёды замацаваўся ў нацыянальнай гістарычнай традыцыі. Адноўленае ў 1939 годзе адзінства дало магчымасць Беларусі выстаяць у гады Вялікай Айчыннай вайны, заняць пачэснае месца ў міжнароднай супольнасці, стаць адным з сузаснавальнікаў Арганізацыі Аб'яднаных Нацый", - адзначаецца ў каментарыі прэс-службы Прэзідэнта.

У ім таксама падкрэсліваецца, што сёння беларускі народ адзіны ў выбары стратэгічнага курсу на развіццё моцнай, суверэннай і працвітаючай краіны. Устанаўленне Дня народнага адзінства 17 верасня падкрэслівае пераемнасць пакаленняў, непахіснасць і самадастатковасць беларускай нацыі і дзяржаўнасці.

У час "Вялікай размовы з Прэзідэнтам" - сустрэчы з журналістамі, прадстаўнікамі грамадскасці, экспертнай і медыйнай супольнасці 9 жніўня - Аляксандр Лукашэнка расказаў, чаму новае свята ён вырашыў не аб'яўляць выхадным днём.

"Гэта па Канстытуцыі Прэзідэнт вызначае - святочныя, выхадныя дні. Але давайце сумленна: я праехаў шмат краін - столькі выхадных, як у нас, няма нідзе. І ў Расіі таксама: вы там як пачынаеце з Новага года - бяда для нас", - адзначыў кіраўнік дзяржавы.

Гаворачы аб святкаванні Дня народнага адзінства, Прэзідэнт расказаў, што пры заснаванні гэтага свята вагаўся, ці рабіць яго выхадным. У выніку было прынята рашэнне пакінуць яго рабочым днём. "Я, як чалавек з вытворчасці, які прывык працаваць без выхадных, напэўна, паскнарнічаў", - прызнаўся Аляксандр Лукашэнка.

У той жа час ён заўважыў, што гэта пытанне застаецца адкрытым. "Я гатовы гэтыя паўнамоцтвы перадаць заканадаўчаму органу - вы потым ужо будзеце выхадныя аб'яўляць, - заявіў ён. - Гэта пытанне не закрыта, яго можна вырашыць у любы час. Пакуль пачнём з гэтага".

Прэзідэнт перакананы, што Дзень народнага адзінства заснаваны 17 верасня абсалютна справядліва, гэту дату можна лічыць днём уз'яднання беларускага народа. "Таму не трэба на нас тут каціць, крычаць. Свята будзе. Гэта сапраўды свята. Калі б гэтага дня не было, не было б нашай краіны. Гэта для нас святое свята", - падкрэсліў кіраўнік дзяржавы.

Як паведамлялася БЕЛТА, у Беларусі да Дня народнага адзінства на розных узроўнях запланавана вялікая колькасць розных грамадска-палітычных і патрыятычных мерапрыемстваў, а таксама ў сферы культуры, музейнай дзейнасці і медыя.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі