14 верасня, Мінск /Кар. БЕЛТА/. Штармавое папярэджанне аб'яўлена на 15 і 16 верасня на большай частцы тэрыторыі Гомельскай і Магілёўскай абласцей з-за надзвычайнай пажарнай небяспекі (5-ы клас), паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У нядзелю ў цэлым па Беларусі прагназуецца пераменная воблачнасць. Пераважна без ападкаў, толькі па захадзе чакаюцца кароткачасовыя дажджы, месцамі навальніцы. Уначы і раніцай у асобных раёнах слабы туман. Вецер усходні 4-9 м/с, месцамі парывы да 14 м/с.
Тэмпература паветра мінімальная ўначы складзе плюс 12-18 градусаў, максімальная ўдзень - плюс 23-29 градусаў, па захадзе - плюс 20-22 градусы.-0-
Падпісвайцеся на нас у
