28 кастрычніка, Мінск /Кар. БЕЛТА/. У Мінску 6-я гарадская клінічная бальніца працуе ў штатным рэжыме, паведаміў журналістам галоўны ўрач установы аховы здароўя Ігар Юркевіч, перадае карэспандэнт БЕЛТА.
"Уся клініка функцыянуе ў штатным рэжыме, усе супрацоўнікі ў рабочы час знаходзяцца на працоўных месцах, увесь калектыў працуе. Прыярытэтам для ўсіх медработнікаў, у тым ліку 6-й бальніцы, з'яўляецца пацыент", - сказаў Ігар Юркевіч.
На сённяшні дзень у клініцы знаходзіцца 361 пацыент з каранавіруснай інфекцыяй, у тым ліку 37 цяжарных. За суткі ў прыёмнае аддзяленне траўматалагічнага корпуса звярнуліся 156 пацыентаў.-0-