22 чэрвеня, Брэст /Кар. БЕЛТА/. Польскі дысідэнт, экс-суддзя Томаш Шміт пасля мітынгу-рэквіема ў Брэсцкай крэпасці расказаў журналістам аб тым, што даведаўся пра сапраўдную гісторыю дзякуючы Беларусі, перадае карэспандэнт БЕЛТА.
"Я толькі пачынаю даведвацца пра гісторыю. Дзякуючы таму, што я тут, у Беларусі, я даведваюся пра тую гісторыю, якая была ў сапраўднасці. Я даведаўся, што такое Брэсцкая крэпасць. Я даведаўся, як пачалася Вялікая Айчынная вайна. І гэта толькі дзякуючы Беларусі, дзякуючы таму, што тут захоўваецца сапраўдная памяць", - сказаў Томаш Шміт.
Польскі экс-суддзя расказаў, што нарадзіўся ў Беластоку. "Таму ў мяне вельмі добрыя адносіны з беларусамі. Я іх вельмі добра ведаю, і мы разам. У маёй бабулі літаральна праз плот жыла беларуская сям'я, і мы былі ў вельмі добрых адносінах. Мы ў касцёл, яны - у царкву, а калі былі сяброўскія сустрэчы, тады мы былі ўсе разам. Менавіта так усё і павінна быць, таму што мы славяне, мы браты", - адзначыў Томаш Шміт.-0-
