Шміт аб планах на будучыню: хачу займацца наладжваннем узаемаадносін паміж Польшчай і Беларуссю

5 чэрвеня, Горацкі раён /Кар. БЕЛТА/. Польскі дысідэнт, экс-суддзя Томаш Шміт у час наведвання гістарычных аб'ектаў у Горацкім раёне падзяліўся з журналістамі планамі на будучыню, перадае карэспандэнт БЕЛТА.

"Планы на будучыню ў мяне, вядома ж, ёсць. Пакуль я не хацеў бы ўдавацца ў дэталі, але бліжэй да гэтага моманту абавязкова вам паведамлю, - сказаў ён. - Я хачу займацца наладжваннем узаемаадносін паміж Польшчай і Беларуссю".

Томаш Шміт таксама лічыць, што беларускі Прэзідэнт Аляксандр Лукашэнка - адзін з лепшых сусветных палітыкаў. "Дастаткова паглядзець на сённяшнюю сітуацыю: як ён сябе паводзіць, як праводзіць палітыку. Гэта не камплімент, гэта - факт, - дадаў ён. - Акрамя таго, можна таксама пазайздросціць яго фізічнай форме. Дастаткова паглядзець на тое, як ён сячэ дровы, як у Манголіі страляе з лука".

Польскі экс-суддзя сёння наведаў аграгарадок Леніна ў Горацкім раёне. Тут ён азнаёміўся з экспанатамі музея савецка-польскай баявой садружнасці, а таксама ўсклаў кветкі да помніка польскім салдатам. "Гэта сапраўды важнае месца, для цяперашніх і будучых пакаленняў", - сказаў ён.