Рыгор Шлык
25 верасня, Мінск /Кар. БЕЛТА/. Найбольш эфектыўная форма работы са зваротамі - асабісты прыём грамадзян. Аб гэтым заявіў журналістам начальнік галоўнага ўпраўлення па рабоце са зваротамі грамадзян і юрыдычных асоб Адміністрацыі Прэзідэнта Беларусі Рыгор Шлык, перадае карэспандэнт БЕЛТА.
Як падкрэсліў Рыгор Шлык, практыка паказвае, што, нягледзячы на прадугледжаныя заканадаўствам розныя формы работы са зваротамі грамадзян, адной з найбольш эфектыўных форм з'яўляецца асабісты прыём. "У прыёмнай адміністрацыйнага комплексу "Карла Маркса, 38" прыём грамадзян і прадстаўнікоў юрыдычных асоб вядзецца штодзень, за выключэннем выхадных і святочных дзён, з 8.00 да 17.00, з перапынкам на абед з 13.00 да 14.00. Гэты прыём ажыццяўляюць службовыя асобы галоўнага ўпраўлення па рабоце са зваротамі грамадзян і юрыдычных асоб", - растлумачыў ён.
"Акрамя таго, у прыёмнай у адпаведнасці з графікам кожны чацвер вядзе асабістыя прыёмы кіраўніцтва Адміністрацыі Прэзідэнта. У прыватнасці, кіраўнік Адміністрацыі Прэзідэнта і яго намеснікі, а таксама дзяржаўны сакратар Савета бяспекі, старшыня Камітэта дзяржаўнага кантролю, кіраўнік спраў Прэзідэнта Рэспублікі Беларусь, начальнікі структурных падраздзяленняў Адміністрацыі Прэзідэнта", - дадаў начальнік галоўнага ўпраўлення.
Графік прыёму гэтых службовых асоб размешчаны на афіцыйным сайце Прэзідэнта Рэспублікі Беларусь. "Дарэчы, сёння тут праводзіць планавы асабісты прыём дзяржсакратар Савета бяспекі Рэспублікі Беларусь", - адзначыў Рыгор Шлык.
"Асабістыя прыёмы ажыццяўляюцца ў строгай адпаведнасці з патрабаваннямі заканадаўства, што рэгламентуе работу са зваротамі. Размова, у прыватнасці, ідзе аб тым, што дзеянне закона Рэспублікі Беларусь "Аб зваротах грамадзян і юрыдычных асоб" не распаўсюджваецца на звароты, якія падлягаюць разгляду ў адпаведнасці з працэсуальным заканадаўствам, а таксама заканадаўствам аб адміністрацыйных працэдурах, звароты работніка да наймальніка, а таксама звароты, адносна якіх заканадаўчымі актамі ўстаноўлены іншы спецыяльны парадак іх падачы і разгляду. Гэтыя пытанні падлягаюць разгляду строга вызначанымі дзяржаўнымі органамі і ў іншым парадку", - падкрэсліў начальнік галоўнага ўпраўлення.
Ён таксама канстатаваў, што на адным з апошніх мерапрыемстваў Прэзідэнт Беларусі адзначыў, што ў дзейнасці ўсіх кіраўнікоў - ад рэгіёнаў і мясцовай вертыкалі да цэнтральнага звяна - у прыярытэце павінна быць работа з людзьмі. "Такія падыходы не з'яўляюцца чымсьці новым, паколькі кіраўнік дзяржавы ўдзяляе пільную ўвагу рабоце са зваротамі грамадзян з самага пачатку прэзідэнцкага тэрміну. Актуальнасць работы з насельніцтвам, зваротамі грамадзян і, самае галоўнае, эфектыўнасць гэтай работы пацвярджаецца статыстыкай, - растлумачыў ён. - Так, за 8 месяцаў 2024 года ў Адміністрацыю Прэзідэнта паступіла каля 12 тыс. зваротаў, што ў цэлым адпавядае ўзроўню аналагічнага перыяду мінулага года. Адным з найбольш эфектыўных метадаў работы са зваротамі з'яўляецца асабісты прыём грамадзян. Так, на працягу года прыёмную наведвае ў сярэднім каля 4 тыс. грамадзян, за дзень - ад 10 да 20 чалавек".
Паводле слоў Рыгора Шлыка, нягледзячы на існуючыя магчымасці падачы звароту ў пісьмовым выглядзе або з выкарыстаннем інтэрнэт-сэрвісаў, значная колькасць людзей выбірае форму менавіта непасрэдных зносін, і ў гэтым плане ў прыёмнай створаны максімальна зручныя ўмовы наведвання. "Па сутнасці, у поўнай меры рэалізуюцца падыходы, агучаныя кіраўніком дзяржавы: "Людзей трэба чуць, з людзьмі трэба размаўляць і належным чынам рэагаваць на тыя пытанні, якія яны ставяць перад намі", - дадаў ён.
Акрамя таго, актыўна выкарыстоўваецца практыка правядзення выязных прыёмаў грамадзян. "Такая форма работы была ўпершыню ўкаранёна Адміністрацыяй Прэзідэнта і цяпер шырока выкарыстоўваецца дэпутатамі ўсіх узроўняў, рэспубліканскімі і мясцовымі органамі ўлады. У прыватнасці, кіраўніцтвам Адміністрацыі Прэзідэнта і памочнікамі Прэзідэнта - інспектарамі па абласцях за мінулы перыяд праведзена звыш 70 прыёмаў, на якіх прынята больш за 500 чалавек".
Як лічыць прадстаўнік Адміністрацыі Прэзідэнта, перавага такой формы работы відавочная, паколькі ў большасці сваёй жыхары рэгіёнаў звяртаюцца па актуальных па месцы пражывання людзей праблемах (добраўпарадкаванне прысядзібнай тэрыторыі, санітарна-тэхнічны стан пад'ездаў, рамонт участка дарогі або тратуара, вываз бытавога смецця, утрыманне сельскіх могілак і іншыя). "Калі прэтэнзіі абгрунтаваны, то яны вырашаюцца ў аператыўным парадку на месцы, а ў выпадку неабходнасці дадатковага вывучэння пытання бяруцца на кантроль для пошуку варыянтаў іх вырашэння, - падкрэсліў Рыгор Шлык. - Гэта дае магчымасць, што называецца, трымаць руку на пульсе і папярэджваць з'яўленне праблем масавага характару або маючых пэўнае сацыяльнае значэнне для канкрэтнага рэгіёна".
Як падкрэсліў Рыгор Шлык, практыка паказвае, што, нягледзячы на прадугледжаныя заканадаўствам розныя формы работы са зваротамі грамадзян, адной з найбольш эфектыўных форм з'яўляецца асабісты прыём. "У прыёмнай адміністрацыйнага комплексу "Карла Маркса, 38" прыём грамадзян і прадстаўнікоў юрыдычных асоб вядзецца штодзень, за выключэннем выхадных і святочных дзён, з 8.00 да 17.00, з перапынкам на абед з 13.00 да 14.00. Гэты прыём ажыццяўляюць службовыя асобы галоўнага ўпраўлення па рабоце са зваротамі грамадзян і юрыдычных асоб", - растлумачыў ён.
"Акрамя таго, у прыёмнай у адпаведнасці з графікам кожны чацвер вядзе асабістыя прыёмы кіраўніцтва Адміністрацыі Прэзідэнта. У прыватнасці, кіраўнік Адміністрацыі Прэзідэнта і яго намеснікі, а таксама дзяржаўны сакратар Савета бяспекі, старшыня Камітэта дзяржаўнага кантролю, кіраўнік спраў Прэзідэнта Рэспублікі Беларусь, начальнікі структурных падраздзяленняў Адміністрацыі Прэзідэнта", - дадаў начальнік галоўнага ўпраўлення.
Графік прыёму гэтых службовых асоб размешчаны на афіцыйным сайце Прэзідэнта Рэспублікі Беларусь. "Дарэчы, сёння тут праводзіць планавы асабісты прыём дзяржсакратар Савета бяспекі Рэспублікі Беларусь", - адзначыў Рыгор Шлык.
"Асабістыя прыёмы ажыццяўляюцца ў строгай адпаведнасці з патрабаваннямі заканадаўства, што рэгламентуе работу са зваротамі. Размова, у прыватнасці, ідзе аб тым, што дзеянне закона Рэспублікі Беларусь "Аб зваротах грамадзян і юрыдычных асоб" не распаўсюджваецца на звароты, якія падлягаюць разгляду ў адпаведнасці з працэсуальным заканадаўствам, а таксама заканадаўствам аб адміністрацыйных працэдурах, звароты работніка да наймальніка, а таксама звароты, адносна якіх заканадаўчымі актамі ўстаноўлены іншы спецыяльны парадак іх падачы і разгляду. Гэтыя пытанні падлягаюць разгляду строга вызначанымі дзяржаўнымі органамі і ў іншым парадку", - падкрэсліў начальнік галоўнага ўпраўлення.
Ён таксама канстатаваў, што на адным з апошніх мерапрыемстваў Прэзідэнт Беларусі адзначыў, што ў дзейнасці ўсіх кіраўнікоў - ад рэгіёнаў і мясцовай вертыкалі да цэнтральнага звяна - у прыярытэце павінна быць работа з людзьмі. "Такія падыходы не з'яўляюцца чымсьці новым, паколькі кіраўнік дзяржавы ўдзяляе пільную ўвагу рабоце са зваротамі грамадзян з самага пачатку прэзідэнцкага тэрміну. Актуальнасць работы з насельніцтвам, зваротамі грамадзян і, самае галоўнае, эфектыўнасць гэтай работы пацвярджаецца статыстыкай, - растлумачыў ён. - Так, за 8 месяцаў 2024 года ў Адміністрацыю Прэзідэнта паступіла каля 12 тыс. зваротаў, што ў цэлым адпавядае ўзроўню аналагічнага перыяду мінулага года. Адным з найбольш эфектыўных метадаў работы са зваротамі з'яўляецца асабісты прыём грамадзян. Так, на працягу года прыёмную наведвае ў сярэднім каля 4 тыс. грамадзян, за дзень - ад 10 да 20 чалавек".
Паводле слоў Рыгора Шлыка, нягледзячы на існуючыя магчымасці падачы звароту ў пісьмовым выглядзе або з выкарыстаннем інтэрнэт-сэрвісаў, значная колькасць людзей выбірае форму менавіта непасрэдных зносін, і ў гэтым плане ў прыёмнай створаны максімальна зручныя ўмовы наведвання. "Па сутнасці, у поўнай меры рэалізуюцца падыходы, агучаныя кіраўніком дзяржавы: "Людзей трэба чуць, з людзьмі трэба размаўляць і належным чынам рэагаваць на тыя пытанні, якія яны ставяць перад намі", - дадаў ён.
Акрамя таго, актыўна выкарыстоўваецца практыка правядзення выязных прыёмаў грамадзян. "Такая форма работы была ўпершыню ўкаранёна Адміністрацыяй Прэзідэнта і цяпер шырока выкарыстоўваецца дэпутатамі ўсіх узроўняў, рэспубліканскімі і мясцовымі органамі ўлады. У прыватнасці, кіраўніцтвам Адміністрацыі Прэзідэнта і памочнікамі Прэзідэнта - інспектарамі па абласцях за мінулы перыяд праведзена звыш 70 прыёмаў, на якіх прынята больш за 500 чалавек".
Як лічыць прадстаўнік Адміністрацыі Прэзідэнта, перавага такой формы работы відавочная, паколькі ў большасці сваёй жыхары рэгіёнаў звяртаюцца па актуальных па месцы пражывання людзей праблемах (добраўпарадкаванне прысядзібнай тэрыторыі, санітарна-тэхнічны стан пад'ездаў, рамонт участка дарогі або тратуара, вываз бытавога смецця, утрыманне сельскіх могілак і іншыя). "Калі прэтэнзіі абгрунтаваны, то яны вырашаюцца ў аператыўным парадку на месцы, а ў выпадку неабходнасці дадатковага вывучэння пытання бяруцца на кантроль для пошуку варыянтаў іх вырашэння, - падкрэсліў Рыгор Шлык. - Гэта дае магчымасць, што называецца, трымаць руку на пульсе і папярэджваць з'яўленне праблем масавага характару або маючых пэўнае сацыяльнае значэнне для канкрэтнага рэгіёна".
"Што датычыцца пытанняў, якія ўзнімаюцца грамадзянамі, то аналіз зместу зваротаў паказвае, што ў 2024 годзе для грамадзян, як і раней, актуальныя штодзённыя праблемы, перш за ўсё пытанні жыццезабеспячэння. Пераважна гэта не пытанні глабальнага характару, якія патрабуюць вялікіх фінансавых затрат, а лакальныя бытавыя праблемы, якія павінны ўстараняцца ў максімальна сціслыя тэрміны. У топе - звароты па пытаннях ЖКГ, і гэта нядзіўна, улічваючы важнасць і значнасць гэтай сферы для насельніцтва. Таксама для людзей заўсёды актуальныя пытанні аховы здароўя, працы і занятасці, сацыяльнага і пенсійнага забеспячэння. Як я сказаў, найбольш актуальныя праблемы штодзённай жыццядзейнасці насельніцтва, менавіта таму абсалютна ўсе звароты, якія паступалі ў Адміністрацыю Прэзідэнта, дасканала разглядаліся з прыняццем пры неабходнасці мер рэагавання", - рэзюмаваў Рыгор Шлык.-0-
Фота Мікалая Пятрова
Падпісвайцеся на нас у
