31 жніўня, Мінск /Кар. БЕЛТА/. Школы павінны быць па-за палітыкай, дзеці павінны вучыцца і атрымліваць адукацыю, заявіла журналістам старшыня Савета Рэспублікі Наталля Качанава на палях гарадскога форуму педагагічных работнікаў сталіцы "Мінск - горад, які вучыць, горад, які вучыцца", перадае карэспандэнт БЕЛТА.
"Школы павінны быць па-за палітыкай, дзеці павінны вучыцца і атрымліваць адукацыю. Падзелу ў школах быць не павінна, - сказала Наталля Качанава. - 1 верасня - Дзень ведаў. Думаю, усе са святочным настроем прыйдуць у гэты дзень у школы, сядуць за парты, а бацькі і педагогі зробяць усё, каб стварыць атмасферу свята дзецям".
Жнівеньскі форум педагагічных работнікаў сталіцы праходзіць сёння на базе Цэнтральнага дома афіцэраў і аб'яднаў амаль 800 педагагічных работнікаў. Яму папярэднічала выстаўка метадычных распрацовак і дасягненняў сістэмы адукацыі Мінска. "Я ўбачыла на педагагічнай канферэнцыі цікавыя распрацоўкі нашых педагогаў. Напярэдадні я сустракалася з настаўнікамі адной са школ Мінска. Настаўнікі настроены на работу", - дадала старшыня Савета Рэспублікі.-0-