15 кастрычніка, Мінск /Кар. БЕЛТА/. Школьнікі і іншыя навучэнцы з прыкметамі ВРВІ могуць не наведваць заняткі без даведкі да пяці дзён, паведамляе БЕЛТА са спасылкай на прэс-службу Міністэрства аховы здароўя.
"У мэтах прадухілення распаўсюджвання каранавіруса паміж міністэрствамі аховы здароўя і адукацыі Беларусі дасягнута дамоўленасць. Згодна з ёй маладым людзям, у якіх ёсць прыкметы ВРВІ, можна не наведваць вучэбныя заняткі на працягу максімум пяці дзён і не прадастаўляць даведку аб непрацаздольнасці пасля заканчэння хваробы", - адзначылі ў Міністэрстве аховы здароўя.
Паведамляецца, што такая норма будзе дзейнічаць падчас перыяду высокага ўздыму захваральнасці на вірусныя інфекцыі.
Дазвол распаўсюджваецца на навучэнцаў сярэдніх школ, прафесійна-тэхнічных устаноў, устаноў сярэдняй спецыяльнай і вышэйшай адукацыі.
У сувязі з неабходнасцю аператыўнага рэагавання на эпідабстаноўку змяненні ў дзеючыя нарматыўныя прававыя акты, рэгулюючыя пытанні экспертызы часовай непрацаздольнасці, не ўносяцца, дадалі ў Міністэрстве аховы здароўя.-0-