Фота Мінэнерга
25 ліпеня, Мінск /Кар. БЕЛТА/. Намеснік міністра архітэктуры і будаўніцтва Аляксандр Балашэнка на прэс-канферэнцыі расказаў аб тым, як зменіцца будаўнічая галіна Беларусі ў гэтым годзе з улікам заканадаўчых новаўвядзенняў, паведамляе карэспандэнт БЕЛТА.
З 23 ліпеня ўступіў у сілу першы ў гісторыі будаўнічай галіны кодэкс аб архітэктурнай, горадабудаўнічай і будаўнічай дзейнасці. Дакумент абагульніў у сабе практычна ўсе асноўныя дакументы, якія рэгламентуюць парадак будаўніцтва аб'ектаў на ўсіх яго стадыях, пачынаючы ад задумы і заканчваючы яго прыёмкай у эксплуатацыю.
"Работа над кодэксам вялася доўга, цяжка. Яна пачалася ў 2017 годзе, у 2023-м дакумент зацвердзілі і прынялі, а ў 2024 годзе ён уступіў у сілу. У кодэксе замацаваны прынцыпы нормы прававога рэгулявання найбольш важных грамадскіх адносін суб'ектаў узаемадзеяння ў галіне архітэктурнай і будаўнічай дзейнасці. Акрамя пераносу і акумулявання ўсіх дзеючых норм, якія раней знаходзіліся ва ўказах, пастановах, уносіцца шэраг доўгачаканых новаўвядзенняў", - адзначыў Аляксандр Балашэнка.
У прыватнасці, прадугледжана магчымасць размяшчэння аб'ектаў будаўніцтва з адступленнямі ад горадабудаўнічай дакументацыі. Адпаведнымі кампетэнцыямі надзяляюцца мясцовыя органы ўлады. Раней размяшчэнне аб'ектаў з адступленнем было немагчыма.
Таксама дакументам спрошчаны парадак будаўніцтва жылых дамоў 5-га класа складанасці. "Асобныя спрашчэнні былі рэалізаваны ў рамках указа нумар 253. У кодэксе гэтыя магчымасці яшчэ больш пашыраны. Так, юрыдычным асобам прадастаўляецца такая ж прэферэнцыя, як і грамадзянам. Цяпер яны маюць права будаваць жылыя дамы 5-га класа складанасці на падставе дакумента, які пацвярджае права на зямлю ў "перыферыйных" раёнах, што прымыкаюць да абласных цэнтраў", - растлумачыў намеснік міністра.
Спрошчаны і парадак уводу аб'екта ў эксплуатацыю. "Гэта доўгачаканае палажэнне для заказчыкаў, падрадчыкаў. Пры ўводзе аб'ект будзе правярацца толькі на адпаведнасць праектнай дакументацыі. Раней ён правяраўся на адпаведнасць усім дзеючым тэхнічным нарматыўным прававым актам, у тым ліку праектнай дакументацыі", - расказаў Аляксандр Балашэнка.
У кодэксе таксама замацаваны і адлюстраваны шэраг інфармацыйных рэсурсаў міністэрства архітэктуры і будаўніцтва - ДІС "Дзяржбудпартал", АРАКБ, Дзяржаўны горадабудаўнічы кадастр. Дзякуючы ўкараненню новых тэхналогій у будаўнічай галіне дынамічна павялічваецца ўзровень лічбавізацыі. "На развіццё некаторых сэрвісаў у бліжэйшы час мы будзем рабіць упор", - падкрэсліў намеснік міністра.
Расследаванне будаўнічых аварый таксама адна з "балючых" тэм у галіне. З уступленнем у сілу кодэкса расследаванне будаўнічых аварый будзе выконвацца пад дакладным кіраўніцтвам спецыялістаў Дзяржбуднагляду. Раней гэтыя камісіі ўзначальвалі кіраўнікі арганізацый, на якіх здараліся такія аварыі.
Акрамя таго, у кодэксе як асобны від будаўніцтва замацавана мадэрнізацыя. "Да ўступлення ў сілу кодэкса мадэрнізацыя была часткай рэканструкцыі, а цяпер гэта самастойны від дзейнасці, для якой, дарэчы, не патрабуецца атрыманне зыходнай дазвольнай дакументацыі, што выдаецца мясцовымі органамі, - расказаў намеснік міністра. - Таксама кодэксам уносяцца змяненні ў тэрмін дзеяння заключэння экспертызы. Раней ён быў абмежаваны двума гадамі, цяпер жа абмежаванні здымаюцца".
Аляксандр Балашэнка звярнуў увагу: змяненні ўносяцца ў 27 указаў і больш як 40 пастаноў Савета Міністраў. "Асноўная мэта кодэкса сабраць у адным месцы значную частку асноўных дакументаў, якія вызначаюць ключавыя пытанні ўзаемадзеяння суб'ектаў гаспадарання ў галіне архітэктуры і горадабудаўніцтва", - рэзюмаваў ён.-0-
З 23 ліпеня ўступіў у сілу першы ў гісторыі будаўнічай галіны кодэкс аб архітэктурнай, горадабудаўнічай і будаўнічай дзейнасці. Дакумент абагульніў у сабе практычна ўсе асноўныя дакументы, якія рэгламентуюць парадак будаўніцтва аб'ектаў на ўсіх яго стадыях, пачынаючы ад задумы і заканчваючы яго прыёмкай у эксплуатацыю.
"Работа над кодэксам вялася доўга, цяжка. Яна пачалася ў 2017 годзе, у 2023-м дакумент зацвердзілі і прынялі, а ў 2024 годзе ён уступіў у сілу. У кодэксе замацаваны прынцыпы нормы прававога рэгулявання найбольш важных грамадскіх адносін суб'ектаў узаемадзеяння ў галіне архітэктурнай і будаўнічай дзейнасці. Акрамя пераносу і акумулявання ўсіх дзеючых норм, якія раней знаходзіліся ва ўказах, пастановах, уносіцца шэраг доўгачаканых новаўвядзенняў", - адзначыў Аляксандр Балашэнка.
У прыватнасці, прадугледжана магчымасць размяшчэння аб'ектаў будаўніцтва з адступленнямі ад горадабудаўнічай дакументацыі. Адпаведнымі кампетэнцыямі надзяляюцца мясцовыя органы ўлады. Раней размяшчэнне аб'ектаў з адступленнем было немагчыма.
Таксама дакументам спрошчаны парадак будаўніцтва жылых дамоў 5-га класа складанасці. "Асобныя спрашчэнні былі рэалізаваны ў рамках указа нумар 253. У кодэксе гэтыя магчымасці яшчэ больш пашыраны. Так, юрыдычным асобам прадастаўляецца такая ж прэферэнцыя, як і грамадзянам. Цяпер яны маюць права будаваць жылыя дамы 5-га класа складанасці на падставе дакумента, які пацвярджае права на зямлю ў "перыферыйных" раёнах, што прымыкаюць да абласных цэнтраў", - растлумачыў намеснік міністра.
Спрошчаны і парадак уводу аб'екта ў эксплуатацыю. "Гэта доўгачаканае палажэнне для заказчыкаў, падрадчыкаў. Пры ўводзе аб'ект будзе правярацца толькі на адпаведнасць праектнай дакументацыі. Раней ён правяраўся на адпаведнасць усім дзеючым тэхнічным нарматыўным прававым актам, у тым ліку праектнай дакументацыі", - расказаў Аляксандр Балашэнка.
У кодэксе таксама замацаваны і адлюстраваны шэраг інфармацыйных рэсурсаў міністэрства архітэктуры і будаўніцтва - ДІС "Дзяржбудпартал", АРАКБ, Дзяржаўны горадабудаўнічы кадастр. Дзякуючы ўкараненню новых тэхналогій у будаўнічай галіне дынамічна павялічваецца ўзровень лічбавізацыі. "На развіццё некаторых сэрвісаў у бліжэйшы час мы будзем рабіць упор", - падкрэсліў намеснік міністра.
Расследаванне будаўнічых аварый таксама адна з "балючых" тэм у галіне. З уступленнем у сілу кодэкса расследаванне будаўнічых аварый будзе выконвацца пад дакладным кіраўніцтвам спецыялістаў Дзяржбуднагляду. Раней гэтыя камісіі ўзначальвалі кіраўнікі арганізацый, на якіх здараліся такія аварыі.
Акрамя таго, у кодэксе як асобны від будаўніцтва замацавана мадэрнізацыя. "Да ўступлення ў сілу кодэкса мадэрнізацыя была часткай рэканструкцыі, а цяпер гэта самастойны від дзейнасці, для якой, дарэчы, не патрабуецца атрыманне зыходнай дазвольнай дакументацыі, што выдаецца мясцовымі органамі, - расказаў намеснік міністра. - Таксама кодэксам уносяцца змяненні ў тэрмін дзеяння заключэння экспертызы. Раней ён быў абмежаваны двума гадамі, цяпер жа абмежаванні здымаюцца".
Аляксандр Балашэнка звярнуў увагу: змяненні ўносяцца ў 27 указаў і больш як 40 пастаноў Савета Міністраў. "Асноўная мэта кодэкса сабраць у адным месцы значную частку асноўных дакументаў, якія вызначаюць ключавыя пытанні ўзаемадзеяння суб'ектаў гаспадарання ў галіне архітэктуры і горадабудаўніцтва", - рэзюмаваў ён.-0-
Падпісвайцеся на нас у
