ДЗЯРЖОРГАНЫДЗЯРЖОРГАНЫ
Флаг Аўторак, 11 мая 2021
Мінск Ясна +19°C
Усе навіны
Усе навіны
Грамадства
12 красавіка 2021, 13:35

Шчокін: палітычная абстаноўка вакол Беларусі і ў цэлым Саюзнай дзяржавы будзе абвастрацца

Мікалай Шчокін. Фота з асабістага архіва
Мікалай Шчокін. Фота з асабістага архіва

12 красавіка, Мінск /Кар. БЕЛТА/. Палітычная абстаноўка вакол Беларусі і ў цэлым Саюзнай дзяржавы будзе абвастрацца, узнікае ўстойлівае адчуванне гатоўнасці Захаду развязаць лакальную вайну. Такое меркаванне карэспандэнту БЕЛТА выказаў загадчык аддзела сацыялогіі дзяржаўнага кіравання Інстытута сацыялогіі НАН кандыдат філасофскіх навук Мікалай Шчокін.

Паводле яго слоў, любая суверэнная і незалежная дзяржава заўсёды павінна быць зацікаўлена ў мінімізацыі знешняга ўплыву на сваю краіну і захаванні грамадзянскага міру. "У сувязі з гэтым крокі па змяненні Працоўнага кодэкса, каб не дапусціць расхіствання калектываў, а таксама Грамадзянскага працэсуальнага кодэкса з'яўляюцца лагічным і адзіна правільным рашэннем у існуючай сітуацыі. Асаблівае значэнне набываюць пытанні інфармацыйнай бяспекі. Таму лічу, што калі дзеянні СМІ (незалежна ад форм уласнасці і прыналежнасці) супярэчаць дзяржаўным інтарэсам і накіраваны на падрыў нацыянальнай і грамадскай бяспекі, а значыць, абмяжоўваюць правы і свабоды грамадзян, то такія СМІ павінны неадкладна ў адпаведнасці з законам закрывацца. А ініцыяваныя Прэзідэнтам шырокамаштабная перарэгістрацыя і закрыццё сумніўных, гэта значыць фінансуемых з-за мяжы, аб'яднанняў і фондаў з'яўляюцца найважнейшым элементам у сістэме нацыянальнай бяспекі. Неабходна акуратна падыходзіць да імкненняў і патэнцыялу грамадзян, іх намераў. Палітычна пераграваць беларускае грамадства немэтазгодна і небяспечна", - лічыць эксперт.

Ён упэўнены, што сёння апазіцыйныя сайты і дэструктыўныя Telegram-каналы мэтанакіравана ўзялі курс на правакацыі, падбухторванне, распальванне грамадзянскай, рэлігійнай і міжнацыянальнай варожасці. "На іх старонках мы назіраем знявагі дзяржаўнай улады, уніжэнні беларускага народа, трэціраванне патрыётаў краіны, якія маюць цвёрдую грамадзянска-дзяржаўную пазіцыю. Ілжэжурналісты апазіцыйных СМІ, са здраднікаў і маргіналаў ствараючы вобраз псеўдагерояў, падтрымліваючы антызаконныя і проціпраўныя дзеянні грамадзян, накіраваныя на падрыў дзяржаўных асноў, ператварыліся ў рупары ідэалогіі неанацызму, тым самым стаўшы крымінальнікамі і здраднікамі. Гэта з'яўляецца часткай сцэнарыя па разбурэнні краіны і дзяржаўным перавароце. Таму ў рамках закона цалкам прымальна і адэкватна пазбаўленне акрэдытацыі журналістаў, якія працуюць супраць сваёй краіны і беларускага народа, што з'яўляецца дэмакратычнай працэдурай у цывілізаваных краінах. Не думаю, што тут трэба цырымоніцца. Беларусі трэба рыхтавацца не проста да кібер-вайны, а да вайны інфраструктур (увесь перыметр інфармацыйна-камунікацыйнай і навукова-тэхналагічнай сферы жыццядзейнасці). Менавіта таму факт большасці прагаласаваўшых за Аляксандра Лукашэнку - гэта своеасаблівы ўсенародны зварот да Прэзідэнта з просьбай быць разам з краінай і не пакідаць яе ў лёсавызначальны час", - падкрэсліў Мікалай Шчокін.

"Відавочна, што палітычная абстаноўка вакол Беларусі, як і ў цэлым Саюзнай дзяржавы, будзе абвастрацца. Узнікае ўстойлівае адчуванне гатоўнасці Захаду знайсці сакральную ахвяру і развязаць лакальную вайну з прымяненнем сеткавых, інфраструктурных тэхналогій на тэрыторыі бліжэйшых суседзяў (Украіна), выклікаўшы хаос. Яскравае таго пацвярджэнне - ментальны кансэнсус Вашынгтона і Кіева па гераізацыі нацызму і адно з апошніх авантурных рашэнняў адміністрацыі ЗША па накіраванні ваенных караблёў у акваторыю Чорнага мора, - адзначыў кандыдат філасофскіх навук. - Стратэгія Беларусі нязменная і паслядоўная: краіна заўсёды выступала аб'ектыўна мірнай пляцоўкай для вырашэння любых рэгіянальных і сусветных канфліктаў і не з'яўлялася пагрозай ні адной дзяржаве ў свеце. Беларусь павінна ганарыцца сваёй гісторыяй любога часавага перыяду. Сёння мы ўсе зведваем асаблівую гордасць за Радзіму, таму што ёсць і яе велізарны ўклад у асваенне космасу".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі