Ігар Сергяенка
9 верасня, Мінск /Кар. БЕЛТА/. Рабоце дэпутатаў у выбарчых акругах трэба ўдзяляць больш увагі. Аб гэтым заявіў журналістам старшыня Палаты прадстаўнікоў Нацыянальнага сходу Ігар Сергяенка па выніках даклада Прэзідэнту Беларусі Аляксандру Лукашэнку, перадае карэспандэнт БЕЛТА.
Адной з тэм размовы стала работа дэпутатаў у выбарчых акругах. "Па ўстаноўленай практыцы тыдзень у месяц дэпутаты працуюць у выбарчай акрузе. Гэта і прыём грамадзян, удзел у агітацыйна-прапагандысцкіх мерапрыемствах, у пасяджэннях раённых і абласных выканаўчых камітэтаў. Бываючы ў акругах, дэпутаты вывучаюць грамадскую думку па тых ці іншых пытаннях, рыхтуюць свой зрэз, сваю ацэнку грамадскаму меркаванню, - расказаў Ігар Сергяенка. - Гэтаму кіраўнік дзяржавы ўдзяліў асаблівую ўвагу, падкрэсліўшы, што голас дэпутата - гэта інфармацыя непасрэдна з месцаў, самая цікавая і жывая, яна дае магчымасць рабіць пэўныя высновы".
Спікер Палаты прадстаўнікоў адзначыў, што атрыманую інфармацыю трэба аналізаваць і ўлічваць у далейшай рабоце, грамадска-палітычным і сацыяльна-эканамічным жыцці краіны. "Людзі прыходзяць з рознымі пытаннямі, з рознымі тэмамі, гэтыя пытанні нашы дэпутаты абагульняюць, аналізуюць, дакладваюць", - сказаў ён. У Палаце прадстаўнікоў працуе адпаведнае інфармацыйна-аналітычнае ўпраўленне, якое рыхтуе аналітычныя дакументы з мэтай інфармавання кіраўніка дзяржавы, службовых асоб для выкарыстання ў канкрэтнай практычнай рабоце.-0-
Падпісвайцеся на нас у
