Сергяенка прыме ўдзел у мерапрыемствах Х Парламенцкага форуму БРІКС у Санкт-Пецярбургу

10 ліпеня, Мінск /Кар. БЕЛТА/. Старшыня Палаты прадстаўнікоў Ігар Сергяенка і старшыня Пастаяннай камісіі па міжнародных справах Сяргей Рачкоў у складзе парламенцкай дэлегацыі Рэспублікі Беларусь 11-12 ліпеня прымуць удзел у мерапрыемствах Х Парламенцкага форуму БРІКС "Роля парламентаў ва ўмацаванні шматбаковасці для справядлівага глабальнага развіцця і бяспекі" ў Санкт-Пецярбургу (Расійская Федэрацыя). Аб гэтым БЕЛТА паведамілі ў прэс-службе Палаты прадстаўнікоў.

Запланавана выступленне Ігара Сергяенкі на пленарным пасяджэнні на тэму "Роля парламентаў у процідзеянні фрагментацыі шматбаковай гандлёвай сістэмы і пераадоленні пагроз, звязаных з наступствамі глабальных крызісаў".

У рамках форуму адбудзецца таксама шэраг двухбаковых сустрэч старшыні Палаты прадстаўнікоў з кіраўнікамі замежных дэлегацый з мэтай абмеркавання актуальных пытанняў міжпарламенцкага ўзаемадзеяння.

Х Парламенцкі форум БРІКС збярэ прадстаўнікоў парламенцкіх дэлегацый краін БРІКС, запрошаных дзяржаў і міжпарламенцкіх арганізацый.

Міждзяржаўнае аб'яднанне БРІКС, заснаванае ў чэрвені 2006 года, складаецца з 10 краін: Бразілія, Расія, Індыя, Кітай, Паўднёва-Афрыканская Рэспубліка, Егіпет, Іран, Аб'яднаныя Арабскія Эміраты, Саудаўская Аравія і Эфіопія.-0-