29 жніўня, Мінск /Кар. БЕЛТА/. Настаўнік быў і застаецца галоўным арганізатарам вучэбнага і выхаваўчага працэсу, заявіў журналістам старшыня Палаты прадстаўнікоў Ігар Сергяенка ў час семінара-нарады на тэму "Развіццё сістэмы адукацыі на сучасным этапе: праблемныя пытанні і навацыі ў заканадаўстве" (у святле падрыхтоўкі праекта закона Рэспублікі Беларусь "Аб змяненні законаў па пытаннях адукацыі"), перадае карэспандэнт БЕЛТА.
"Літаральна пазаўчора прайшоў Рэспубліканскі педсавет з удзелам кіраўніка дзяржавы. Прэзідэнтам пастаўлены канкрэтныя задачы перад сістэмай адукацыі. Было адзначана, што сфера адукацыі пранізвае ўсё наша жыццё, усе галіны і ўплывае ў цэлым на развіццё нацыі. Звыш 7 тыс. навучальных устаноў, каля 3 млн вучняў, студэнтаў, аспірантаў, слухачоў, 400 тыс. працуючых у сістэме адукацыі ў цэлым. Таму наш сённяшні семінар з'яўляецца лагічным працягам абмеркавання тых пытанняў, якія былі падняты на Рэспубліканскім педсавеце. І, як справядліва было адзначана, настаўнік быў і застаецца галоўнай фігурай у школе, галоўным арганізатарам вучэбнага і выхаваўчага працэсу. Таму самае галоўнае - гэта прэстыж педагога, які трэба паднімаць і далей", - сказаў Ігар Сергяенка.
Абноўлены Кодэкс Рэспублікі Беларусь аб адукацыі ўступіў у дзеянне 1 верасня 2022 года. "Ён паказаў за гэтыя два гады сваю працаздольнасць. Тым не менш ад жыцця, як кажуць, ад зямлі, з педагагічных калектываў, ад мясцовых органаў улады ідуць прапановы па некаторых, магчыма, нязначных навацыях, якія неабходна ўнесці. Як адзначана было Прэзідэнтам на педсавеце - дашліфаваць. Істотных змяненняў у адукацыі не прадбачыцца ў бліжэйшы час, і не трэба. Сістэма выбудавана. Але нейкая данастройка сістэмы павінна быць. Таму мы праводзім сёння гэты семінар-нараду", - адзначыў спікер.
Удзельнікі семінара разгледзяць пытанні аб навацыях праекта закона "Аб змяненні законаў па пытаннях адукацыі", аб шляхах далейшага развіцця сістэмы адукацыі на сучасным этапе, аб праблемных пытаннях падрыхтоўкі навуковых работнікаў вышэйшай кваліфікацыі, аб развіцці сучаснага ўніверсітэта як цэнтра навуковай і адукацыйнай дзейнасці, аб арганізацыі работы ўстаноў агульнай сярэдняй адукацыі ва ўмовах сучасных патрабаванняў па павышэнні якасці адукацыі.-0-
"Літаральна пазаўчора прайшоў Рэспубліканскі педсавет з удзелам кіраўніка дзяржавы. Прэзідэнтам пастаўлены канкрэтныя задачы перад сістэмай адукацыі. Было адзначана, што сфера адукацыі пранізвае ўсё наша жыццё, усе галіны і ўплывае ў цэлым на развіццё нацыі. Звыш 7 тыс. навучальных устаноў, каля 3 млн вучняў, студэнтаў, аспірантаў, слухачоў, 400 тыс. працуючых у сістэме адукацыі ў цэлым. Таму наш сённяшні семінар з'яўляецца лагічным працягам абмеркавання тых пытанняў, якія былі падняты на Рэспубліканскім педсавеце. І, як справядліва было адзначана, настаўнік быў і застаецца галоўнай фігурай у школе, галоўным арганізатарам вучэбнага і выхаваўчага працэсу. Таму самае галоўнае - гэта прэстыж педагога, які трэба паднімаць і далей", - сказаў Ігар Сергяенка.
Абноўлены Кодэкс Рэспублікі Беларусь аб адукацыі ўступіў у дзеянне 1 верасня 2022 года. "Ён паказаў за гэтыя два гады сваю працаздольнасць. Тым не менш ад жыцця, як кажуць, ад зямлі, з педагагічных калектываў, ад мясцовых органаў улады ідуць прапановы па некаторых, магчыма, нязначных навацыях, якія неабходна ўнесці. Як адзначана было Прэзідэнтам на педсавеце - дашліфаваць. Істотных змяненняў у адукацыі не прадбачыцца ў бліжэйшы час, і не трэба. Сістэма выбудавана. Але нейкая данастройка сістэмы павінна быць. Таму мы праводзім сёння гэты семінар-нараду", - адзначыў спікер.
Удзельнікі семінара разгледзяць пытанні аб навацыях праекта закона "Аб змяненні законаў па пытаннях адукацыі", аб шляхах далейшага развіцця сістэмы адукацыі на сучасным этапе, аб праблемных пытаннях падрыхтоўкі навуковых работнікаў вышэйшай кваліфікацыі, аб развіцці сучаснага ўніверсітэта як цэнтра навуковай і адукацыйнай дзейнасці, аб арганізацыі работы ўстаноў агульнай сярэдняй адукацыі ва ўмовах сучасных патрабаванняў па павышэнні якасці адукацыі.-0-
Падпісвайцеся на нас у
